[align=center]ياعناد هذي قصتي[/align][poem=font="Times New Roman,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
ياعناد عاندني زماني ولازلت=العاصي اللي غير لله ماطاع
ولو مالت الدنيا فنا عدل ماملت=وارسي كما ترسي الرواسي على القاع
وبركت لحمول الليالي وحملت=وقطعت دو تايه الراي به ضاع
ولاني بزمال على المتن زملت=وجيتك وانا حملي على متن وذراع
امشي وعر حافي قدم ماتخاذلت=واسري مساري حايم الذيب وان جاع
قطعت قفر موحش فيه ماخلت =الاالوحوش الضاريه بين الارياع
انا ابدوي ماهالني شي واهتلت=اعيش عادي بين غابات وسباع
وشبيت ناري بالعلم فوق واشعلت=يوم الظلام اضفى على عيوني قناع
وحيد مع سحم الضواري تعللت=في مدهلن مابه من الونس فزاع
ماغير بحروف القصيده تمثلت=واجاوب اللي يزعج الصوت ملتاع
ياليل طالت علتي وانت طولت=متى يجي ياليل للصبح مطلاع
وحالن عن الديره وانا مثلهن حلت=وكل على مايهتوي ضامره زاع
وطفت الجنوب وبه مشيت وتجولت=وضاقن علي اللي على غيري اوساع
وحتى الشمال اللي وصلته وشاملت=الراي ضدي صادر اليوم بجماع
وحاولت احل ولانفع يوم حاولت=وتعقدت عندي على كل الاوضاع
كني على دم الليالي تطاولت=واليوم في دمي غدا الوقت طماع
وطالت وطاولت الليالي ولاطلت=الا الصواب اللي نقلته بالاضلاع
وعزالله اني للشفا وان تماثلت=من كفها كالت على الصاع لي صاع
ومهما تزيد بجورها ماتوسلت=واصبر بعد لوكنت للمر جراع
وبعض الدوا عنه للاوجاع فضلت=واخترت عن حلو الدوا مر الاوجاع
انا ابدوي طبعي كذا ماتبدلت=قصة وفا تمشي على كون خداع
بالمال وكنوزالذهب ماتجملت=انا جمالي دين واخلاق واطباع
احل في دار المعزه ولاشلت=ونا خوي اللي لدنياه بياع
وانا على منشي السحايب توكلت=الخالق اللي للسموات رفاع
ياعناد هذي قصتي يوم سجلت=والناس بالدنيا ترا اشكال وانواع
وتسلم بعد عمري اذا اقفيت واقبلت=يالنادر اللي لك على التل ميقاع
[/poem]
[align=center]للشاعر محمد فياض الدماني[/align]
ياعناد هذا قصتي 
العرض العادي
