الفزعه ياالاجاويد

[فهد ابوسالم]

بسم الله الرحمن الرحيم
السلام عليكم ورحمة الله وبركاته
الله يسعد مساكم وصباحكم بكل خير ..
بدون مقدمات راح ادخل بالموضوع اللي يهمنا كعائلة (ابوسالم) والأمل بالله عزوجل ثم فيكم يالوجيه الغانمه ..

حنا بصدد جمع معلومات عن عائلة ابوسالم اللي سكنت قلعة المويلح وعلى رأسهم المشير / حسين ابوسالم او عبدالرحمن ابوسالم (ماحنا متأكدين منهو بالضبط اللي كان بقلعة المويلح)
كان هالشخص مسئول في الجيش العثماني وكانت له السلطه في قلعة المويلح..
وعاش ومات واندفن فيها وله ضريح مشهور بإسمه.

استفساري حول :

منهو بالضبط اللي كان من عائلة ابوسالم في قلعة المويلح في عهد العثمانيين ، وكم عاش من الزمن فيها ، وعام كم مات ؟واسمه بالكامل ؟ولو في وثائق تفيدنا نكون لكم من الشاكرين .

والله الذي لااله الا هو ان موضوع العائلة واقف على اجابة هالاسئله لان مااخفيكم سرا حنا من قبيلة حرب ولقينا اساس جذرونا بالقصيم ولكن واقف موضوعنا هالاسئله مثل ماذكرت لكم ..

وانا هقوتي انكم ماتردون السايل وانكم تفيدون كل من استفسر عن سكان القلعه ؟

والله ان هالموضوع ضيق علينا وكربنا ..

يقول الرسول صلى الله عليه وسلم (من نفس عن اخيه المسلم كربه من كرب الدنيا نفس الله عنه كربه من كرب يوم القيامه) ويقول ايضا صلى الله عليه وسلم (ان امشي في حاجة اخي احب إلي من ان اعتكف في مسجدي هذا شهر)

ومثل ماتعرفون ...

الناس بالناس والكل بالله ..

والله يعينا واياكم وييسر أمر كل من حاول يساعدنا حتى لو بمعلومه ..


دمتم بود

[القلعة]

الله يحييك ياخ ابوسالم . وعليك السلام ورحمة الله وبركاتة.
امهلنا الوقت وابشر اذا وجدنا اجابة لما تسأل عنه
اخي يعلم الله ان عندنا كم من الوثائق ولكن البعض
منها تعرض للتلف بسب القدم وسوء الحفظ وعدم تهيئة المكان المناسب . ولكن تبقى مافيه البركه نستطيع من خلالها خدمة ابناء المنطقة وطلبة العلم
ولا اخفيك سرا ان الوثائق منذو سنه تبرعت دارة الملك عبدالعزيز ممثلة في الدكتور فهد السماري
جزاه الله خيرا في ترميمها. وسوف تسلم لنا قريبا
انشالله. وابشر يابوسالم ونحن في خدمة اهالي المويلح وابناء المنطقة بما نستطيع وحياك الله.
اخوك الشريف علي عبدالرحيم الوكيل المويلحي

[فهد ابوسالم]

[align=center]ياهلااااا بك اخوي ..

الله يبقيك ..

اعجز عن شكرك ياولد الوكيل .. ونعم فيك وفيكم كل ابوكم ..

والله انكم نعم الرجال اللي ينشد فيهم الظهر ..

وانا اخوك والله ان اللقمه واصله للحلق لكنها اوقفت بسبة هاالاسئلة اللي عطيتك ..

وبعد ازيدك من الشعر بيت انه في سالفة هامه ودنا نعرف عنها زياده على اللي طلبت اعلاه ..

يقولون انه في امرأه من عائلة (ابوسالم) قتلت امرأه حويطيه وهن يرعن بالغنم عام 1367 هـ والمرأه اللي من عائلتنا تم سجنها وماخرجت من السجن الا بعد دفع الديه ...

السؤال يقول : مااسم هذي المرأه من عائلة ابوسالم ؟

اجابة هالسؤال مطلوبه مننا بعد!!


الله يجعل الفرج يجي على ايديكم يااجاويد القلعه ..

واخوي حنا مستعدين لأي مقابل للوثائق .. الحق ماينزعل منه ..

ابد حنا بالشوفه ... لكن عسانا نلقى طلبنا عندكم ..

والله يكتب اللي فيه الخير لنا ولكم ..


ويجزاكم عنا وعن المسلمين ..


وشكرا[/align]

[القلعة]

الاخ فهد ابوسالم تأكد من التاريخ لانه حديث في عهد الملك عبدالعزيز ولم تقع في هذا التاريخ هذه الحادثه لان من الاعمام من كان عايش في ذلك الوقت وكان امير المويلح في ذلك التاريخ الشريف عبدالمطلب الوكيل. ولكن ربما اذا كانت الروايه موثقه انها وقعت قبل هذا التاريخ. وسوف نبحث ونفيدك لوجه الله اذا استطعنا .لان الله في عون العبد ماكان العبد في عون اخيه ... تحياتي

[فهد ابوسالم]

[align=center]حياك الله اخوي الكريم ..

التاريخ تم تعديله واصبح (1367هـ) على حسب ماقيل لنا ..

وياخوك اذا في عندكم بالوثائق شي يمت لنا بصله ايش ماكانت تكون ..

اتمنى تفيدونا فيه ..

يعني اخوي ولا عليك امر ..

اي وثيقه تخص عائلة ابوسالم من قريب ولا بعيد ..

نبغاها طال عمرك ..

والشكر موصول لك ولكل من يحاول يساعدنا ..

والله يبيض وجهك ويجزاك عنا الف خير ..


وشكرا[/align]

[فهد ابوسالم]

كذلك اخوي ولا عليك امر ابي منك هالخدمه واكون عاجز عن شكرك يعلم الله انك بتتجمل على العائله بأكملها كبيرها وصغيرها, ويجعلها بميزان حسناتك ويدفع عنا وعنكم كل سوء

الى ابيه منك اخوي ::

ان حنا من ذوي حسين

حسين له اخوه وهم حسن ومحسن .

السؤال ::: ماهو اسم ابا الاخوه الثلاثه ؟

[الذهبي]

السلام عليكم ورحمة الله وبركاته لقد لاحظت في الاونه الاخيره كثير من القبائل المنتسبه الى قبيلة الحويطات تقول انها من قبيلة كذى وكذى سؤالي هو هل لديكم وثائق او معلومات موثقه عن قبائل الحويطات الاساسيه لان هذا الموضوع اصبح منتشرا بشكل كبير في هذه الايام ارجو اذا كان هناك وثائق او معلومات ان تظهر حتي تعرف الحقيقه فمثل هذه الامور القبليه مهمه جدا(ولانأيد التعصب القبلي )ولكن لابد من معرفة مثل هذه الحقائق @اخوكم الصغير الذهبي@

[القلعة]

[quote=الذهبي;23937]السلام عليكم ورحمة الله وبركاته لقد لاحظت في الاونه الاخيره كثير من القبائل المنتسبه الى قبيلة الحويطات تقول انها من قبيلة كذى وكذى سؤالي هو هل لديكم وثائق او معلومات موثقه عن قبائل الحويطات الاساسيه لان هذا الموضوع اصبح منتشرا بشكل كبير في هذه الايام ارجو اذا كان هناك وثائق او معلومات ان تظهر حتي تعرف الحقيقه فمثل هذه الامور القبليه مهمه جدا(ولانأيد التعصب القبلي )ولكن لابد من معرفة مثل هذه الحقائق @اخوكم الصغير الذهبي@[/
quote]

الاخ السائل ادخل على شبكة الحويطات وتجد الاجابة الكافية والشافية .تحياتي