[align=center]عبدالله الشريف( وقصص واقعية من شقة الحرية) بالرياض

طبعا الفراغ مشكله وبما أننا في منتدى توثيقي ومعي استراحة طبية ولا شغل ولا مشغله وجالس بشقة لحالي لا زوجة ولا عيال (الله لا يقطعني) حتى ننتهي من فترة العلاج الطبيعي ونرجع من جدة في حال السلامة وبما أن بعض القصص التي تحدث إذا لم تدون فإنها ستنتهي بنهاية الأشخاص الذين حدثت لهم تلك القصص(اليوم الله يخرجنا كل شوي حادث وموت) ,وبالتالي فإنني اعتقد أن المنتديات من أهم الوسائل التي تحفظ التاريخ .وبالتالي فقد قررت (إذا سمحتوا لي طبعا )كتابة مجموعة من الحلقات المتتابعة عن شقة الحرية اقصد المسئولية لان مفهوم الحرية لدي يعني المسئولية .
البداية:
عندما حصلنا على الثانوية العامة كان توجهنا إلى الدراسة في الجامعة طبعا تبوك ما بها جامعات ذيك الأيام المهم سجلنا أنا وصديق العمر بجامعة الملك سعود و ثاني سنة سجل الأخ أبو طيف بالكلية الأمنية وعلي اخوي سجل بكلية العمارة في جامعة الملك سعود .وسكن معنا مجموعة من الشباب حيث أننا ورثنا الشقة من الشباب اللي وفقهم الله وتخرجوا(يمكن أبو طيف وصديق العمر يحفظون المجموعة بشكل جيد) المهم تري حياة العزوبية جميله وصعبة جدا وفيها كل شيء .
الحلقة الأولى :
( البنقالي وعد يس)
يا جماعة تري أكثر الناس استغلاليه بالدنيا هم البنقال وتراهم دائما يسوون أنفسهم مساكين الين يعرفوا كل شيء وبعد ذلك يتملعنون ويبدون في ممارسة الاستغلال . الشاهد طبعا حنا شباب جايين من مدينة صغيرة مثل ضباء وليست لدينا تجارب العيش في المدينة الكبيرة مثل الرياض ولم نعتمد على أنفسنا كثير قبل الانتهاء من المرحلة الثانوية .
طبعا سكنا بحي النسيم قرب أسواق حجاب (نسيت اسم الشارع) يعني مشوار من الشقة إلى الجامعة ,ولا معنا سيارة ولا حتى سيكل .الخميس والجمعة نجي أنا وأبو يزيد إلى الشقة والجمعة العصر نرجع الجامعة عندنا سكن
في مبني 14 غرفة 14ج على ما اعتقد . الشاهد يوم ودنا نرجع إلى الجامعة نقف بالشارع الين يجي التكسي . طبعا يشوف القرويين وينبسط يوم نسأله كم المشوار للجامعة يقول 100 ريال نفاوضه الين نصل 80 ريال ونركب معه وينزلنا بعيد عند البهو ونصك مشوار الين السكن على رجلينا (ما كنا نعرف الطريق اللي يودي على السكن مباشرة ونبي نعرف البنقالي انه ما يقدر يضحك علينا وأنا خبيرين وندله من هنا ومن هنا الين نصل (الغريبة يوم يقول لنا السائق صديق نشغل العداد نقول لا اتفاق أحسن,مفهمينا الشباب أن العداد أكثر قيمة ) المهم ركبنا مرة مع التكسي قلنا للسواق بثمانين ريال توصلنا قال :سم. ركبنا ونسى السواق وشغل العداد يوم وصلنا الجامعة لا والله السعر 40 ريال فقط المهم اكتشفنا إنا البنقاليه كانوا يستغلونا ( ومن يومها وأنا ما أطيقهم) من بعدها سرنا أول ما نركب نقول شغل عداد صديق (مع زود الخبرة صار قيمة المشوار 15 ريال )

في الجامعة عندنا موال ثاني اسمه الشيخ عد يس .وعد يس هذا شاب متدين جدا وشيخ يعني طالب علم (الله يوفقه ويمسية بالخير وين ما كان) ينام عد يس بعد صلاة العشاء وقبل صلاة الفجر بنصف ساعة يستيقظ ويقوم يطق على غرفنا الين يصحا كل الشباب اللي بنفس الجناح .الله يجزيه خير ما يترك احد الين يشوف المجموعة كلها قامت تتوضآ. الشاهد ما يطلع للمسجد إلا وكل الشباب متجهين للمسجد (الله لا يحرمه الأجر ويجزل له الثواب) كل اللي قلته ما هو مشكله وكله شيء طيب وزين .المشكلة أن عد يس حساس بالنوم جدا يعني لو كنت داخل غرفتك وضحكت بصوت خافت يستيقظ عد يس ويأتي ويطق الباب ويقول اتقوا الله أزعجتونا الصحيح ما ننبسط ونسوالف إلا أذا كان عد يس ما هو بالغرفة وعقدنا( عد يس) وعقد سكان الجناح كله .عاد حنا إذا طق على غرفنا نسكت ونسوى أنفسنا نايمين (نعرف انه زعل من فتحته باب غرفته يفتح بقوة ويجري نسمع الصوت وبعدين نسمع طقه على غرف الشباب ونضحك ونقول من الضحية اليوم وإذا طلع عد يس نمر الغرفة اللي كان يطق عليها ونضحك على بعضنا شوي .
وفي ليله من الليالي فتح عد يس باب غرفته بقوة وبزعل وقعدنا نتسمع عند الباب يطق على غرفة من ,لكنا ما سمعنا طق ويوم نفتح الباب ولا كل الشباب يفتحون أبوابهم في نفس اللحظة وما شفنا عد يس وصرنا نقول وين راح عد يس : اشوي: وهو يجي و كل منا يدخل غرفته وينام بدون صوت أو حتى ضحك .لكن السؤال اللي حيرنا وين راح عد يس يوم طلع . من ثاني يوم اجتمعنا سكان الجناح السؤال اللي ما احد عارف إجابة وين كان عد يس يوم طلع البارح قلت يا شباب الله اعلم انه يا طلع الدور اللي فوقنا يا الدور اللي تحت أكيد أن احدهما أزعجه . قال الشباب مستحيل قلت والله غير اطلع للدور الفوقي واسأل اللي يسكن فوق غرفة عد يس .قال واحد من الشباب وأنا انزل للدور اللي تحت واسأله المهم يوم طلعت وطقيت الباب وفتح الرجال الغرفة وتحدثت معه شوي وقلت له بالله جاك واحد البارح كذا وصفة . ويقعد يضحك قال أيه جاني وقعد يتكلم إني ازعجته و أنا توني ساكن بالغرفة واعتذرت للشيخ عن إزعاجي له واستأذنت من الرجال. ورجعت للشباب وأنا اضحك وأقولهم ما قلت لكم ,شوي ويجي خوينا اللي نزل تحت وهو ميت من الضحك قال أن الرجال دائما يتشاكل مع عد يس وان عد يس تسبب في توجيه إنذار له وصار ينام عند واحد من الشباب ولا يجي الغرفة ألا أذا كان فيه اختبارات ويذاكر فقط . طبعا ربما يقول أحدكم كيف تخافون من عد يس وأقوال والله انه دائما يشتكينا وتم توجيه إنذارات لنا بسببه وبغوا يطردونا من السكن على شأن عد يس.
ودمتم
الحلقة القادمة كيف تم تصوير عد يس في دورة المياه وكيف تصرفنا . [/align]