[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يازياد ماشفي سوى راس مشـــراف = مرقاب طايل شامخ حيل ومنيف
بطرف سهل مركي عل حد ميـــــهاف = مشهود مثله بالمشاريف ماشيف
ينوف في علوه على كل مانــــــاف =في ديرته دونه جميع المشاريف
عنه النوازي كلها تهدف اهـــــــداف = متعلق بين الوطا والمواهيف
تقول يعزف به من الجن عـــــــــزاف = من زود ماتصرخ عليه العواصيف
فوقه زماليق الشجر ترجف ارجــــــاف = وحنت هبوبه بالغصون المواريف
ميقاع للي كن في كفه اشــلاف = شرس الحرار اللي يفوق التواصيف
حر تميز بالفعايل والاوصـــــــــاف = ضربات مخلابه تفج السراجيف
وكم ليلة عدا به الفذيب لاحــــاف = وطالع قطيع ديرته عشبها ريف
وحين المسا حول على صوب ماشاف = وحاز العنود اللي رعت بالاطاريف
وعدوه بالحاضر وعدوه الاســــــلاف = وكم ميت زاره وكم حي له ضيف
ناحي عن حدود المدينه والاريــــاف = برض خلا تنعش بها نسمة الهيف
في جوف صحرى تتعب الجمس والهـاف = دربه على بعض البشر مشيها مخيف
مدهال بدو تنزل البر ماتخــــــاف = عاشو بحد الماضيات المراهيف
بدو على نهج العرب سلم واعـــراف = مايقبلو ميله ولايقبلو حيف
اشراف رضعو من لبن بنت الاشـــراف = معروف هذا مايبي اي تعريف
ربع على وضح النقا كفوفها نظـــاف = مشهود ماضيه ولافيه تحريف
واليوم واجهنا زمن كله اجحـــــاف = خيله علينا بين غزو ومناكيف
ودارت دواليب الليالي على خــلاف = وجيش القلم سيطر على دولة السيف
وجار الزمن حتى قطع حد الاســراف = ولاعاد لكثرنا عليها تحاسيف
وجاوبت من قبلي بدع بالنبا قـــاف = شي من الواقع ولافيه تزييف
من جور هم متلف قلبي اتــلاف = عجزت احصل له حلول وتصريف
وعن حد صبري مالجا بالحشا طـاف = ومنين ماوجهت شفت الصواديف
يازياد لوعند الزمن عدل وانصـــــاف = ماصار للانذال قدر وتشريف
ودنيا تسود انذالها حيل تنعـــاف = وكم واحد قبله يقول انه معيف[/poem]
للشاعر محمد فياض الدماني
اشراف رضعوا من بنت الاشراف 
العرض العادي
