قيلت في عام 1365هـ .. قالها يوم كان ذاك الحين أمير لدويد ..

قال عباس أمين يسندها على محمد الخميس البقعاوي :

لا تجي بيت العـــنــود ولا تمــــــره
،،،،،،،،،،،،،،،،،،،،،،،،، الحذر ياللـي عـلى عـمـرك تــــداري

فر قلبي يوم شـــاف الزين فــــره
،،،،،،،،،،،،،،،،،،،،،،،،،، فـر طـيـر ٍ شـايـفٍ جــول الــحــباري

شفت زين ٍلا بـــــلاك الله بشـــــــره
،،،،،،،،،،،،،،،،،،،،،،،،،،،،، مـا دريـت انــه لذبح الناس ضــاري

قلت عطني من ثمـانـك بس مـــــره
،،،،،،،،،،،،،،،،،،،،،،،،،،،،،، قـال ما يكسى العرى ثوب العـواري

والشاعر ابن خميس توفي رحمة الله عليه قبل ثلاث سنين وهو من أهل بقعاء والعنود هي الآن عجوز موجودة بديرة حول بقعاء قريبة من حايل ..

فرد عليه محمد الخميس و قال:

ليه يا عبـــــاس بيته ما نمـــــــــره
،،،،،،،،،،،،،،،،،،،،،،، كـيـف تـنـحى واحـدٍ لـلـزيـن سـاري

أحسب انك لي صديق و بك مســره
،،،،،،،،،،،،،،،،،،،،،،،، مـا دريــت انــك عــدو ٍلـي مــبـاري

الحيـا لـــــو انتـحى لازم نمــــــره
،،،،،،،،،،،،،،،،،،،،،،، مـا كـتب الله عـلى الـمـخلوق جاري

عارفين من المسره والمــضـــــره
،،،،،،،،،،،،،،،،،،،،،،،،،،، ولا يـدرّس بـالـمـدارس كـود قـاري

العنود سهيل والبيض المــجـــــــره
،،،،،،،،،،،،،،،،،،،،،،،،،، فـرقـهـن فـرق الفتيل عن السـواري

العنوده يالعنوده واخـــــت ســـــره
،،،،،،،،،،،،،،،،،،،،،،،،،،،،، بـس يـطـرقـها الـزمـيـم والـخـزاري

يوم لبست ثوبه الاصفر و مـــــــرّه
،،،،،،،،،،،،،،،،،،،،،،،،،،، يـا شـبـيهة مـهـرة ٍ للـشـيـخ ضـاري

غير سود عيونها ما احلاه غـــــره
،،،،،،،،،،،،،،،،،،،،،،،،،،،،،، ، مــثـل وصـف الـبدر بـأيام الـغـداري

كم قلب مــــولـــــع ٍ راحت تجــــره
،،،،،،،،،،،،،،،،،،،،،،،،،،،،،، ،،، عـرضـتـه الـجـال ودروب الخطاري

أشهد ان مـقابـله عــــز ومســــــره
،،،،،،،،،،،،،،،،،،،،،،،،،،،،،، ،، عـاقـل ومـع عـقلـها زيـنٍ إجـهـاري


مــــــنــــــــقــــــــــــول

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
غير سود عيونها ما احلاه غـــــره= مــثـل وصـف الـبدر بـأيام الـغـداري[/poem]

[align=right][align=center]رحمهم الله جميعا ، كلمات عذبة جميلة قريبة من اللغة العامية المحكية ..
غزل برئ ، قلوبهم خضرا..

تحياتي[/align][/align]

لا تجي بيت العـــنــود ولا تمــــــره
،،،،،،،،،،،،،،،،،،،،،،،،، الحذر ياللـي عـلى عـمـرك تــــداري
بيت كثيرا ماسمعته في الماضي ولكن لم اكن اعرف من قاله 0 وفي عام1393 هجري
كنت في زياره لابوعبدالله في داره العامره في الرياض انذاك ورد علينا هذه القصيده0
عليه وعلى اموات المسلمين رحمة الله0 فه شاعر رد وشاعر محاوره0
وبالمناسبه اذكر له بيتين رد على قصيده اسندها له محمود خليل ابو حسبوا0عليه رحمة الله كان في ذلك الوقت في الرياض
وسير على ابوعبدالله وقال له0
اليوم شفت الذهب والماس00 بلشت ياناس في اوصافه
والله لو شافهن عباس 00غير يتهيض على قافه
وما انتهت الجلسه حتى قال ابوعبدالله0
هذي اطيور متليمه اجناس00 وكل طيرا وميلافه
محمود ترك حلال الناس00ودور حلالك ورى كفافه0

لوان قصايدهم اطول من ذلك 0 ولكن هذا مايحضرني

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اليوم شفت الذهب والماس =بلشت ياناس في اوصافه
والله لو شافهن عباس =غير يتهيض على قافه

هذي اطيور متليمه اجناس= وكل طيرا وميلافه

محمود ترك حلال الناس= ودور حلالك ورى كفافه0[/poem]


الله يمسيك بالخير والرضا يابو محمد والله هلبيوت عجيبه ورائعه
ويعطيك الله العافيه0 ولا يحرمنا منك
والشكر الجزيل للفارس ابو عشيبه راعي المواضيع المميزه
وتحياتي