[align=center]حفل العدد الاخير من مجلة فواصل السعوديه بالعديد من القصائد الرائعه لشعراء كبار كسليمان المانع وسعد بن جدلان وغيرهم الا ان قصيدة شاعرنا طلال بن حمزة الشريف كانت الاشبه بواسطة العقد كما يقال وذلك بشهادة كل من قراْ العدد والقصيده.
ورغم اني لا انكر انحيازي التام لابن عمي الا اني اقسم انها واحدة من اجمل ما قراءت من
شعر..
(( انا خذيت العلم من راس شايب))[/align]
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا الله يا شاهد على كل مخلوق= ياغافرٍ للعبد لا جاه تايب
تفكني يارب من حزة العوق= وتكفيني شرور الدهر والنوايب
يا فلان ما ني للرجاجيل محقوق=ولا نيب لا مخطى ولا نيب عايب
كانك خذيت العلم من راس مطفوق=انا خذيت العلم من راس شايب
علمني الدنيا مواجيب وحقوق=حفظني دروس الصبر فالمصايب
واللى فتح بابٍ من الشر مغلوق=يستاهل ان هبت عليه الهبايب
وام الحلق ماهي مثل باقي النوق=هذيك تفرق عن جميع النجايب
ما جابها جلاب ما طبت السوق=مصيونةٍ ما جات عليها طلايب
يا من يسلم لي على الذيب مرزوق=شبيه راشد بالوفا والوهايب
اللى وهب عمره على شبة الطوق=ما خاف موت ولا حسب للصعايب
وان كان عاتق باح سده لمعتوق=ابطيت ما بيحت سدي لخايب
تدور في بالي هواجيس وطروق=تشوفني حاضر وانا عنك غايب
واليا بغيت الشى انا اجيه من فوق=لا ما نحني لو هو لذيذٍ وطايب
جبرت كسري وكل مطرود ملحوق= ما رحت ادور لي شهود وسبايب
يارب يا شاهد على كل مخلوق=ياغافرٍ للعبد لا جاه تايب
تفكني يارب من حزة العوق= وتكفيني شرور الدهر والنوايب[/poem]
[align=center]صح لسانك يا شريف وبيض الله وجهك عز الله انك تبيض الوجه
الله يلوم اللى يلومني فيك[/align]
انا خذيت العلم من راس شايب 
العرض العادي
