الله الله
كانك خذيت العلم من راس مطفوق
انا خذيت العلم من راس شايب
علمني الدنيا مواجيب وحقوق
حفظني دروس الصبر فالمصايب
واللى فتح بابٍ من الشر مغلوق
يستاهل ان هبت عليه الهبايب
الله عليك يا طلال حمزة صح لسانك ياشريف عز الله ان هالقصيده جزله ومن سمان الهرج على ما قيل تسلم يا ابو زامل ياراعي الفرائد على هالقصيده والله اني مالومك واضم صوتي لصوتك.
تدور في بالي هواجيس وطروق
تشوفني حاضر وانا عنك غايب
واليا بغيت الشى انا اجيه من فوق
لا ما انحني لو هو لذيذٍ وطايب
جبرت كسري وكل مطرود ملحوق
ما رحت ادور لي شهود وسبايب
كفو يا شريف كفو