حياكي الله ياساره اصلا انا بغيتها تجي من المشرفين الكبار ولا ماني تارك الموضوع وهلحين اقدر اخذ راحتي واسمعي 0 اول بجيب لك من سوالف الوالد وبعدين نشوف سالفتك0
كان الوالد يجي عند وحده من اخواتي الصبح يتقهوى عندها ومره جنها جاراتها وكان الوالد الله يرحمه موجود في ذاك اليوم عندها ومكيفات على السوالف وطبعا عماوي ما يشوف ماخذات راحتهن وقامت وحده منهن ولبست عباتها وسألت عن (حذائها) الله يكرمكي هنا 0 لا يمكن هنا لا00 قال الله يرحمه يمكن تحت العبايه هذي والحرمه تكشف ولين حذاها تحت العبايه وكل وحده تحط مغشاها على وجهها واللي مالحقت عبايه اللي جنبها وكلهم على صوت واحد 0 انت تشوف ؟ في دخلت اختي قالوا تقولي ابويا ما يشوف وهو ماشاء الله يشوف اللي مانشوفه احنا المفتحين قال : والله ماأشوف قالن طيب أيش دراك انه في عبايه اصلا وانه في تحتها شي ؟؟؟؟0 ولازال السؤل بدون جواب0000

ومره كان في تبوك عند خالي ابوخالد في رمظان 0 وسمع انه في حريم تلعب بالوت زي الرجال في الليل(سهره) قال
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حلفت لحرم الباليت= يوم العذارا يدقنه
يتجمعن له سوى بالبيت= واللي وراهن يكبنه [/poem]

[align=center]وابشري بالمزيد[/align]

مع إن الموضوع موجه للاخت ساره الا أنني بتلقف واقول أنتم كشفتم على عيون الوالد الله يغفرله من قبل وبعدين (بليز) أنت وقصص أبوك الله يرحمه ليست ملك لشخص بعينه يعني لا تسير هههههههههه

اهلا بالكشاف لا ماهي لقافه اللي بالمنتدى تحت متصفحك لكن كانت الاخت سارة غايبه من غير
شر وتعرف0 المريض حتى يشفى 0 والغايب حتى يعود0 والصغير حتى يكبر وانت ماشاء الله0 5من 5 في كل شي 0 بالنسبه للكشف لما اوديه للدكتور كان الله يرحمه يرفظ الكشف قبل ان يدخل اولا للدكتور لحاله 0 وبعدين ينادي علي وادخل 0 والحقيقه انا محيرني الامر 0

عماوي .. ويداوي

الله يرحمك يابو ابراهيم .. ويسكن عظامك الجنة

من أول بلوت .. و"ثارت حروفك"

اليوم ..
يلعبن بلاي ستيشن .. وقريباً يسوقن سيارة :abc1: .. ورياضة بالمدارس .. ومجالس بلدية .. وشورى ..
وإذا ما عجبها الرجال .. تخلعه



أبو فايز .. الله يمتعك بالصحة والعافية كما تمتعنا دوماً بسوالف جدي العزيز أبو ابراهيم

[align=center]الله يسلمك ياابو فايز وهذامن طيب عودك
فيك الخير ياالاجودي وماتشوف شر

والله سالفتك حلوة ضحكتني وترى العمى عم بصيره مهوب عمى قلب
سبحان الله
طيب وليش يتغطن منه هو شايب كبير رحمة الله عليه حتى لو يشوف
انا ابوي الله يرحمه كل صديقاتي كانوا لازم يسلمن عليه ويسولفن معه
واذا راحن قام يوصفهن وصف دقيق مع انهن لابسات عبايات واسعة اللي على الراس
قال الاوله خرعوب والثانية متروسه والثالثة عينها تذبح والرابعة مضحكها يسلب
وعلى ذا الحال وانا ميته من الضحك ويقول تكفين وانا ابوك زوجيني وحده منهن واقوله ابشر
على أمرك ويقول امزح معك هذني مثل بناتي وهن يحبنه ويحبن سوالفه
الله يرحمه ويسكن روحه الجنة
مع العلم انه تزوج تسع حريم كل وحده ازين من الثانية وكلهن هاشميات ماعدا وحده من الجنوب
وفيه سالفة زواجه قبل لايتوفى رحمة الله عليه بثلاث سنوات
بعدين اقولها لكم
انا اللي كلفني بمهمة الخطبة لان امي زعلااااانه عليه وعليه يزعم تغار على عودها

لي عوده ياابو فايز[/align]

[align=center]الله يرحمه ويغمد روحه الجنة يااارب
خله وانا اختك برد كبده
مثل ابوي ماخلى على قلبه حسافه الحمد لله اخذ من الحريم مالذ وطاب وكان ابوي يحب الزين وكل اللي اخذهن رهيبات
حتى امي اللي يشوفها يحسبها اجنبية من جمالها ومو عاجبه الشايب يبي يتشبب غصب بس والله يلوق له ابومحمد الله يرحمه
(ابوي شديد وصل عمره حول الثمانين ماطاح له سن ويسوق جيب رنج ولا عمره خضع لعملية الله يرحمه وكان فارع الطول وضخم بس دون ( كرش ) يعني جسمه يدل على صحة وقوة من الاكل اللي ياكله وسبحان الله طبيعته اللي الله خلقه عليها لا وبعد يشوف الابره في الظلام كان شديد وقوي رحمة الله عليه)
المهم خلني اكمل لك سالفت آخر زواجة لكنها بائت بالفشل والسبة امي الله يطول في عمرها قعدت له الين طارت
راح ابوي الخرمة له بيوت وعيال عمه هناك وكان معزوم عندهم وطبعا جلس كم يوم
وجانا متغير- هذا الكلام قبل لايتوفى بثلاث سنين - مبسوط وينظم القصيد قدام امي ويقول رحنا جبارة مكان للشياهين في الخرمة وجات اخت المعزب سبيعية وصبت القهوة لابوي ورحبت فيه
بحكم انه كبير فالسن وقد والدها والوالد داااااخ
انا ماشفتها بس على وصفه انها مزيونه عينها تذبح وجدايلها مغطية ردوفها وسماها (مركب الهند ابو دقلين) :050104_emM15_prv: شكلها متروسه ترس.......... الى آآخره من الاوصاف اللي تشوقك
وامي تقول علامه هالشايب فضحنا مايستحي ويقول يالله حسن الختام خلاص عيالك رجال وهم اللي تزوجهم مو انت
قال اقول تراني كلمت اخوها وعطاني الرجال
قالت والله ما اقعد لاروح عند اهلي وحاولت اهدي الموضوع لكن مافي فايدة ولا والله كل واحد مصر على موقفه وبعدين قال خلها تروح تعالي ياسارة وانا ابوك ابيك تروحين معاي وتشوفينها زين تشوفين دواخلها قلت كيف اشوف دواخلها صعبه يبيني اشوف ساقها من زود حبه للزين يبيها كاملة حتى يقهرامي قال عاد سويها وانا ابوك انتن نسا وتعرفن بعضكن قلت مو انت تقول شفتها قال شفتها لكن ماقعدت معي انا ترخصت
قلت ابشر
قلتها والا ماقلتها امي بغت تذبحني وقالت انتي اللي تشجعينه ابوك في هذا السن خليه يطلب الله
لاتعورين علينا قلت علامك يمه انت تغارين والله ماحرمه تجي يوم من ايامك بس انت هدي روحك يمكن يمزح
المهم السالفة كانت جد لكن البنت عيت ويحق لها لانها في عمر الزهور
وابوي حط اللوم على امي انها هي اللي قالت للبنت ترفض
قلت لابوي اشوف لك غيرها قال متى انت تقولين ابشر بالكلام ماشفت منك فايدة لاشفتي امك راحت علومك اربع تعش وهو صادق:abc8:
انا ودي ابوي يستانس ولاودي امي تزعل واحترت
وعلى هالحال كل طرا له طاري قال جوزيني وانا ابوك شوفي لابوك كحيلة امك كل يوم عاصبه راسها وتقول مريضه تشرد مني الله لايبلانا من اول ماكانت تهج واليوم ماعاد نعجب وهو يضحك الله يرحمه
لاخر يوم في حاته قلت يغدي الباس يابومحمد بكره تطلع بالسلامة واجوزك كحيلة بنت كحيلان:horse_white_rear_lg
ويرد ويقول تكفين وانا ابوك ان شاء الله ان شاء الله
والمشكلة ان اخواني عكس ابوي كل ماقلت لهم تزوجوا مثل ابوي وحده وثنتين وثلاث قاموا يفركون ايدهم قلت واعزي عنكم عزاه كل واحد ناشب في مرته تقول مافي الكون الا هي
اييييييه وين ايام ابومحمد الله يرحمه
لكن انا وراهم والزمن طويل

طولت عليكم
لنا عودة

ودمتم [/align]

[align=center]الأخ أبو فايز الأخت سارة من كثر الجلسة طفشت وما لي غرض إلا تصفح المواقع وقاعد أشوف الموقع هذا وأشوف المواضيع اللي ما شفتها. وأعجبتني سوا ليف العم أبو محمد والد سارة( الله يرحمه) وخاصة موضوع الزواج من السبيعيه وكذلك وصفها الرائع لحديثه الله يرحمه والحقيقة إنا بعد مثلك ودي أزوج الوالد الله يطول عمره ويحفظه وهو بالمناسبة صديقي وخويي وسفراتي الخارجية لا تحلا إلا بوجوده وأصحابي أصحابة وأخر سفرة له معي كانت في رحلة مقنارص قبل شهر(أخر الشهر الماضي) في جمهورية مصر العربية وكان الشباب طالعين قبلنا بيومين معهم العزبة والبوار يد والسيارات وتواعدت معهم على مكان معين ألقاهم فيه بحدود الساعة خمسة الفجر وفعلا جيت المكان أنا والوالد على نفس الموعد وما لقينا احد قلت للوالد أيش رأيك افرش لك فراشك وترتاح لك شوي حتى يجي الشباب أكيد ساير عندهم شيء القنص ممنوع يمكن شافوا دورية الحماية أو حصل ظرف اخر او اواوا..المهم ابتعدنا عن المكان بحيث نشوف اللي يجيه وهو ما يشوفنا ويوم صلينا الفجر وفرشت فراش الوالد وانسدح قمت أدور الحطب ودي أسوي القهوة (الوالد يحب القهوة ويتمعنا بها بالحيل ولا يكيف إلا على فنجال متعوب على سواته وأنا اعرف كيفه وأسوي له اللي يطيب خاطرة )المهم يوم جبت الحطب وشبت النار .ورغم أني كنت أتحرك بحذر أبية ينام شوي .ولكن الوالد معروف بخفة نومه يصحا على المشي أو عندما تشب النار أو تضيء المبه ,المهم انه صحا من النوم وحلف علي ما اسوي القهوة وقال ارتاح وحط فراشك وراقب مكان الميعاد مع خوينا ,بعد ساعة لوالله السيارة يوم جت مكان الميعاد قلت للوالد الظاهر خوينا وصلوا وقمنا نرتب فرشنا أثرهم قصوا الأثر وجونا على جرت السيارة وسرنا في سلام وعلوم ولاحظت دم واجد على ثياب اخوي توفيق وعلى ثياب المهندس أبو حمد ورحت للسيارة وشفت أنهم صايدين ثلاث غزلان معهم دمهن حامي ما بعد برد وقلت ويش السالفة ما لقيناكم على الموعد قال المهندس ابوزياد أمير الرحلة يوم جينا الموقع طرى علينا مكان زين يمكن نلقي به صيد وانحرفنا عليه وكتب الله خير وقالوا حصل غداكم .الحقيقة انبسط الوالد وقال وأنا أبوك وجهنا خير على أخويانا المهم وصلنا العزبة وحلفت ما يسوي الفطور إلا أنا قالوا الشباب توك جاي ارتح قلت لا بس قطعوا الكبد والكلااوي والطماطم والبصل والباقي علي قالوا ما بقى شيء ههههههههه المهم افطرنا وعينا من الله خير .وفي الليل بغينا نقنص قالوا لي الشباب ايش رأيك بالوالد يقنص معنا قلت اعرضوا عليه (وأنا ودي انه ما يقنص خايف علية من الطرد والمطبات والجروف )المهم قالوا له يا أبو عبدالله نبي نقنص ونبيك تخاوينا ايش رأيك قال معكم المهم أنا طلعنا في السيارة من الساعة سبع المغرب إلى الساعة الثالثة فجرا ويوم نقف نقتص الأثر أقول له ايش رأيك ننزل أنا وياك نزبط القهوة والشباب يكملوا المقناص ويحددوا موقعنا على ال جي بي اس ويجونا المهم رفض وتحمل السرعة والطرد والمطبات واللفات المفاجئة. جلسنا بالمقناص أسبوع على لحم صيد وعلوم رجال وقصيد وكل شي طيب و لله الحمد. الله يطوال عمر أبو عبدالله ويحفظه .ولي مع الوالد سوالف طيبة في العريش شمال مصر وفي سورية أن عطيتونا من سوالف شيابكم عطيناكم.

ودمتم[/align]

[align=center]حياك الله ياشريف
اسعدتني سوالفك انت والوالد طول الله عمره ( ماشا الله على شايبك يقنص ويخرج خرجات شبابية اسم الله عليه ):abf7:

طيب ياخي زوجه خله يستانس مثل ابوي الله يرحمه وعلى فكره امي كانت آخر زوجه لابوي تزوجها وعمره فوق الستين لو كل الحريم تزوجهن بعد امي كان انجنت الوالدة اسم الله عليها
بس تزوج وحده على امي من اهل الجنوب وما طولت شهور وطيرتها امي لانه يحب امي اكثر وحده

حنا عطيناك علومنا عطنا علومك لاتبرد

بانتظار الجميع [/align]

[align=center]ابشري يا الهاشمية وصلي على النبي أنت والقراء اللهم صلي على سيدنا محمد على اله وصحبه أجمعين قبل سنوات سافرنا إلى مصر إنا والعم عبد الرحيم (أبوعلي) الله يرحمه والولد الشريف عبدالعزيز وابن عمي (القلعة) وابن عمي (الوافي) والأخ محمد أبن الأخ (القلعة) المهم سافرنا في رحلة تمشيه وسياحة وكنا ذيك الأيام بالمرحلة الثانوية المهم ركبنا سيارة بيجو من نويبع والليل بطوله الين أصبحنا في القاهرة مسافة 450 كم وجينا نبي نسكن بشقة في الزمالك. الخدامة يوم شافت الولد قالت يا أخواتي ده سكره (عاد الولد وسيم جدا ما شاء الله عليه ولا ينافسه في الجمال إلا الوافي بعد هو حلو وكان ذيك الأيام يكحل عيونه الله يحفظه) المهم سكنا بالشقة ونزلنا عزبة القهوة (لابد إن تكون موجودة في كل سفره) .القلعة الله يجزيه خير وهو الذي كلف بتنظيم البرنامج يعني كان أمير الرحلة بتكليف من عمي عبد الرحيم والوالد المهم أول برنامج من (القلعة) زيارة المكتبة العامة وثاني يوم المتحف القومي وثالث يوم الأهرامات وبدينا نطفش أنا والوافي من الوضع قلنا نسكت يمكن يتعدل الوضع بكرة الصباح بعد ما سويت القهوة وتقهو الشياب قال الوفي يا أبو محمد وش البرنامج اليوم قال أبو محمد اصبر وبااوديكم مكان ما عمركم شفتوه قالنا خير المهم ركبنا البيجو وصلنا إلى مكان اخضر وكبيرو واسع وفيه زحمة (إلى هلحين وأبو محمد ما كشف المفاجئة )المهم قص لنا تذكر ويوم دخلنا ولانا في حديقة الحيونات قال الوافي احه ياعبدالله والله ما ودك تشوف غير المكتبات والأهرامات وحديقة الحيونات من برنامج الرجال .وحنا شباب ودنا نشوف شيء زين المهم تصورنا مع الفيل وبعض الثعابين (الله يسامح يا أبو محمد) ويا دوب سلم الله عمي عبد الرحيم من أذن الفيل اللي خبط عمي الله يرحمه قال الله يغفر له يا علي اطلعنا الله يقطع الفيل على قطعت الحديقة بغى يقلع عيونا .المهم طلعنا في حال السلامة .وقررنا أنا والوافي التمرد على برنامج أبو محمد اللي يخلينا ننام من المغرب (تخيل في مصر وتنام بعد العشاء) أول ممارسه للتمرد قلت للوالد ودنا نجلس أنا والوافي في جلسه إمام فندق الماريوت المهم شيابنا جو معنا يمكن خافوا علينا أما القلعة فقد نام استأنسنا شوي وغيرنا من الجوى وسرنا نطلع أنا والوافي دائما إلى هذا المكان ومرات يجي معنا الشياب أخر ليله طلع معنا أبو محمد(مهو فاضي من كثر ما يقرا بالكتب اللي يشتريها من المكتبات وأنا عبدالله ما غير نشيل) وقال والله المكان زين قلنا بعد ايش يوم بغينا نسافر .نسيت أقول موقف حلو حصل معنا وهي أننا كل ما دخلنا مكان نشرب عصير يقول أبو محمد( القلعة) هات لنا ست عصير منقة (كاتبها بالشعبي) وكل ما جينا وإحنا منقه كن ما خلق الله غير ها المنقه وقررنا التمر انا والوافي على المنقه ( كنا قد جربنا الايسكريم في الفندق) ويوم جلسنا طلب أبو محمد لنا منقه قلت يا أبو محمد أنا وعبدالله نبي ايسكريم قال طيب هات اربعه منقه واثنين ايسكريم ) المهم بتلنا على ها الوضع ومرة دخلنا محل قال أبو محمد عطنا أربعه منقه واثنين ايسكريم قال عمي الله يغفر له يا على طفشنا من المنقه أنا اطلب لي زي العيال قال أبوي انا بعد زيهم ومحمد على قال كمان أنا أبغى زي جدي وصفت على خمس ايسكريم وواحد منقه . وقد حدثت بعض المواقف أذا يسمح لي الوافي أقولها ما عندي مانع كما أعدكم أذا بغيتم بذكر قصة حصلت للشيبان مع الخدامة عبر عنها أبو محمد في قصيدة جميله حطها في الوالد ويوم رجعنا ردوا عليه الربع (طبعا الموقف يمثل مدى تمسك القلعة الديني ومحافظه الله يطول عمره وحرص علينا ما نشوف إلا طيب ولا نأكل إلا طيب. طبعا المنقه بالمصاص وثيابنا ما ينكب عليها العصير أما الايسكريم يمكن يطيح منه شيء على ثيابنا ودبرها بعدين . قائد يحسب حساب كل شيء. ) الله يوفق أبو محمد ويديمه والله أني أحبة واحب السفر معه يا زين سولف أبو محمد خاصة إلى هوجن ويبي منك ترد معه وعلية .
وسلامتكم[/align]

[align=center]الله عليك ياعبدالله
والله ضحكت من قلب قلبي مع اني طفشااااانه وزعلااانه اليوم غير عن كل يوم
بس سالفة حديقة الحيوانات حلوة والاحلى المنقى يااازين ابومحمد الله يخليه والله اني مثله احب المنقى موت يمكن هذا عرق فينا يالاشراف نحب المنقى
طيب انت والوافي مو عاجبكم المنقى اقول تحمدوا ربيكم ان معكم ابو محمد وبعد مكرمكم باحلى فاكهة المنقى ويهوجن الله اكبر عساكم تردون عليه ..........
لا وبعد يخاف عليكم اسم الله عليه معن ودكم ترحون لحالكم هااااااااآهاااا
بدون ابو محمد لكن الله يخلي ابو محمد حداكم
تذكرت
منقى مصرية بلونين *** مشمش شامي يخزي العين
الله يسعد ايامك
وياليت تكمل معنا والوافي عندي مايقول لا ابد بس انت واصل[/align]

اخواني الكرام اعضاء المنتدى

اسعد الله اوقاتكم بكل خير .احب ان اطرح وجة نظر اتمنى ان تلاقى الرضاء والاستحسان .وان لم يكن فهي تعتبر وجهة نظر خاصة لااكثر ولااقل. الاوهي الدخول في الامور الشخصية البحتة اكثر من الازام .وذكر اعضاء اخرين قديكون لايرغبون الطرح بهذا الشكل .خاصة وانه منتدي متداول بين الاغلبية بانة منتدي يتعلق بالوثائق والمخطوطات ولايمنع من مانشاهدة من مشاركات شعرية ومشاركات هادفة اخرى. وهناك جهود مبذولة باينة للعيان من قبل كافة الاعضاء واحب ان انوة بالجهود الجبارة التي يقوم بها العضو الاكثر مشاركة الاوهو وكيل المويلح.تحياتي للجميع واتمني ان لايتجاوز ماذكرتة من كونة وجه نظر..

لي وجهة نظر تخالف ما قاله الشرعاوية ان الدعابه اذا كانت نظيفة وخاليه من التجريح الشخصي وهي سولف ممتعة مثل ما ذكرة ابو فايز والشريفة سارة والشريف عبدالله ما فيه شيء هي سولف جميله موجودة في كل الثقافات وهذا موروث ثقافي يقراء في الكتب الان وسيلتي اليوم الذي يعتبر هذا المنتدى المبارك اهم وثيقه لانه يحفظ هذا التاريخ وهذا لايتعارض مع الوثائق التي يتميز بها هذا المنتدى الرائع ولو لم تكن للدعابه دور في المنتديات اذان لماذا يوضع ساحات للتهاني والدعابة والالغاز وهلم جر واكيد ان كتاب المنتدى يملكون من الوعي ما يجعلهم بعيدين عما يمس وبعدين رايك ماهو في مكانه ولا وقته اذا سمحت لي يالشرعاويه هذا من النوع الذي يحاول كبح جماح النكته والدعابة الصحيحة .ومن وجهت نظري استمر يا شريف عبدالله ويا شريفه سارة والكل في امتاعنا بمثل تلك القصص واكيد هم يعرفون بعض ومت يزعلون ربعهم واكيد يا الشرعاويه كل يعرف ربعه ومدى تقبلهم للبعض

الأخ عبدالله الشريف ..الحقيقة اسعدتني وعيشتني في جو كنت اتغافل عنه وأحاول أتناساه وأسلى خاطرى عنه..سوالف الشياب الله يرحم "الوالد ابوعلى ويدخله فسيح جناته" ويطول عمر ابوعبدالله ويديمه ويعزه ويجعله ذخرا وملاذ لنا بعد الله مهبوب الريح النشمي السنافي والله كنى شايفه وهومعكم في المقناص الله يحفظه مايرتاح ولا يعرف الراحه ويتعب من معه وبودى تزودنا بسالفته يوم أرسل له الوالد جواب بأن الجاهيه الى ارسلوهم ليخطبوا له ردو بالموافقه وكيف قطع مايقارب 70 كيلو ركض ...
على فكرة نبغى سالفة ابو كحله ,,, وترى لكم عندي صورة تجنن وأنتم تحت أذن الفيل ياحليكم أنت والوافي زي الفل ..وصورة ثانية وانتم بالشورتات على الشاطئ يامحلاكم ’’ أنزلها بساحة الصور أن شاء الله ,,أكيد راح تنبسطون :7: ..

الله لايحرمنا منكم

[align=center]توبة يا أبو طيف ما أعودها وإذا ذكرنا سالفة نرمزها وابشر دام طلبك يخص الوالد ابشر بس لا احد يقراها عليه على شأن ما يزعل علي ولا احد يعلمه وبذكر لكم سوالف لعمي معلا وعمي محمد احمد الله يرحمه إما بالنسبة للصور تكفى يا أبو طيف لا ينزل شيء وأرسل لي منها على الخاص يا زين يومنا سبحنا في البحر الأبيض يا اخوي لله أن في ذيك الرحلة سوالف عجيبة أرسل لك منها على الخاص. بعدين ابسط يا عم كل الدنيا متوجهة معك بس والله ثم والله تستاهل يا نور المنتدى وشعلته والقلب الكبير فيه بس الحقيقة توقفت كثير عند موضوع العصبية طبعا أنت تدري أني أخر شخص يتكلم عن العصبية لله الحمد.[/align]

[align=center]لاهنتم جميعا ويعطيكم العافية.

ايش رايك يابوعبدالعزيز ندعم التعليقات بصور .

تحياااااااااااتي للجميع[/align]

[align=center]أهلا أبو باسل
أنا ما عندي مانع بشرط صور الفيل. بس اللي غيرها , نعقد مجلس إدارة المتدي ونتفق .الا أيش رأيكم نسوي للمنتدى مجلس أدارة بيكون له عضو منتدب ومتحدث رسمي ..انتظر التعليق من المسئولين. و على ذكر الصور والله يا حدث لي موقف أنا ومجموعة من الشباب منهم المرحوم محمد المسعودي الله يغفر له ويرحمه ,والأخ الصديق الأستاذ محمد سالم العطوي ومجموعة من الإخوة .حيث كنا في زيارة للأردن وذهبنا في رحله إلى منطقة البتراء الأثرية وطبعا المسافة بعيدة والسيارات لا يسمح لها بالدخول وبالتالي لابد من ركوب الخيل وصار كل واحد منا يدور له على فرس زين وبحثت عن اكبر واحد من الخيول وكان لونه ابيض وجاء المسعودي الله يغفر له ويرحمه ودور له بعد فرس كبير وعالي وكشخنا ولبسنا النظارات السود ودقين اللطمه والأجانب انبسطوا وما غير يطلبون صور مع رموز الأصالة العربية وكنا نرفض (ما ادري ليش كنا خايفين من تصويرهم)المهم المنطقة التي نسير فيها تضيق وتتسع وأخذنا الجو بثيابنا وكل واحد معه عصى وعددنا تسعه وكل واحد على فرس .ويوم دخلنا بالمكان الواسع اللي متجمعين فيه الناس توخرت ولكزت الفرس حتى أقربت على جنب الصفيح وحطيت رجلي بشويش خايف أطيح من الفرس الين نزلت بسلام ويوم جيت الناس المجتمعين ويقعد يضحك علي المسعودي أني امشي على رجليني وخفت من الطيحه ضحكوا الشباب شوي وتركتهم وقعدت أتلفت على المناظر الزينة .ولا انتبه إلا على الرجدة والشباب يجرون نحو المسعودي الله يرحمه وأنا ما ا شوفه على الفرس أثره يوم بغى يسوي خيال نط من الفرس وانتشبت رجله بالسرج وما بغت تطلع وما حد فكه وساعده إلا بعد ما تصورنا معه وهو معلق الله يغفر له ويرحمه(ارجوا من الجميع الوقوف هنا والدعاء له,, اللهم اغفر له وارحمه واسكنه الجنة واجعل قبره روضة من رياض الجنة ) وكل ما فتشت الصور ولقيت صور تلك الرحلة أتوقف مع ذكريات المسعودي رجل الدعابة واحمد الله أن أخر عهد بيني وبينه الصلاة كان ذلك عند زيارته لي في منزلي عندما حضر لمعايدتي من محافظة حقل على بعد 250كم حيث صلينا العصر سوينا ثم ذهب وعندما وصل البدع حصل له حادث وبقي في المستشفي سنتين ونصف ثم توفاه الله رحمه الله رحمة واسعة وغفر له.[/align]

الله يرحم الأخ محمد المسعودي رحمة عامة اللهم أسكنه فسيح جناتة
والله ونعم الرجل ونعم الأخ ونعم الصديق ونعم الرفيق
لا تفارقة الأبتسامة والمرح
أنسان على الطبيعة وعلى السليقه
دائما الطيب مايبقى
رحمه الله

الأخ عبدالله الشريف جزاك الله خير اللي ذكرتنا بالمرحوم والمغفور له أن شاء الله الأخ محمد المسعودي.
ومقترحاتك ممتازة للغاية سنعمل ان شاء الله على تنفيذها ..
بس صور الفيل ليست من جدول الأعمال..
تحياتي