نايف كتب من صادق الحس بيتين

[ابو فايز]

نايف كتب من صادق الحس بيتين

وهذي مشاعر سيدي والقصيده

رحمه تحوف قبورهم كل الاثنين

وفي جنه الفردوس سيدي وسيده

وانا كتبت بصادق العلم بيتين

عسى تجي بالي نود ونريده

قولوا لابو نايف تحداني البين

وانا شريف اخلاق ذرب وليده
ماشكى من الحرمان والفقر والدين
اشكى طعون الخافيه والمكيده

لي موعد محجوز في صبح الاثنين
عند احمد السالم ولاهي جديده
أعرف ملاذي بعد حاميه في وين
كنه فتح بابه وقلبه وايده

عله يكف الي تحدر من العين

وعسى يطفي في المحاني وقيده

للناس لليل وله من الهم لليلين

ومقابلك فرحه لروحه وعيده

[وكيل المويلح]

صح لسانك ورحم الله الأميرين نايف وسلطان

[القلعة]

صح لسانك ورحم الله الجميع وفرج الله همك

[ابو فايز]

المشاركة الأصلية كتبت بواسطة وكيل المويلح

صح لسانك ورحم الله الأميرين نايف وسلطان

صح كلك روح ولسان وبدن ورحمهما الله واسكنهم الجنان
ووالدينا واموات المسلمين اجمعين

[ابو فايز]

المشاركة الأصلية كتبت بواسطة القلعة

صح لسانك ورحم الله الجميع وفرج الله همك

صح بدنك ودام وجودك وظلك
ويرحم عماوينا ويرحمك ياعم
وقبر حظنهم ياعسى الله يبلك
بوابل الرحمة وصيبه الاعم
يقولها الي من ظميرة يجلك
جيتك تجلي من معاليقه الهم