من أطهر أرض من مهــد الرســالة
من البيــت العتيــق ومــن جبــاله
**
زهمت هجوسي شعري وانتخيها
وانا ماانخى هجوسي فأي حــاله
انــا انخــاهــا ليا جــات اللــوازم
وهــذا الوقــت وقتــاً ينتــخــاله**
غــلاكم ساقنــا وسقنــا المطايــا
وكــلاً شــــد للــرحــلــه رحــالــه
تركنــا اديــارنا من امس نمشــي
نحث المشــي والممشــى عجاله
قطعنــا البارح حدود الف كيلــو
فنــظــرنــا كنهــا رميــة** بيــالــه
وليا منه كشحنــا فلاش ســاهر
نحسبــه برق لايــح في خيــاله
تبــاشــرنــا وبشــرنــا بعضــنــا
نقــول البــرق يشعــانــا شعــاله
تعــنيــنــا ولا قسنــا المســافــه
وابـو محمـود رجــلاً ينعنـى لـه
نسوق الروح ماهبنــا المخاطــر
وكلاً مرخــصٍ حــالــه ومــالــه
تعبنــا… لا حشــا لا مــا تعبنــا
وابشركم سهــالــه في سهــالــه
وحنــا لا دعى الداعــي نجيبــه
جنــوب الدار ولا في شمــالــه
ووصــل الهاشمي واجب علينــا
خصوص الوافي مانقطع وصاله
ومــاجــانــا لكــم قــدر ومعــزه
دفعنا الشوق مع درب الجمــاله
وجينــاكم نشارك في فرحــكم
ومبــروكين ي الشيخ ورجــاله
ونرفــعُ اسمــا آيــات التهــانــي
لابــو عمــار في حفــلة عيــاله
الــى مــروان بن احمــد نبــارك
عساه يعيــش والفرحه قبــالــه
والــى عبدالرحيــم احمد نهني
نبارك له وجعــل السعد فــالــه
وجينــاكــم نبــارك للقبــيــلــه
وكــــلاً ياصــــله منــا لحــالــه
تدوم افراحكم واليــوم جينــا
ونحمل من جماعتكم رســالــه
من الاشراف ربعي تاج راسي
حزام الظهر ولــ راسي ظــلاله
ذوي جــازان ربعــي والعبــادل
هل الطالات واصحاب الجلاله
رسالتهــم تظمــن محتــواهــا
ســلامــاً بالنيــابــه والاصــاله
من الاشراف لاشراف المويلح
رجال العز واصحاب الشكــاله
رجالاً عــزهــم ربي وعطــاهم
امــاره فالمــويــلح وانتمــالــه
بعد ماجالهــا السلطــان الاول
وجد قوماً تســاموا بالعــداله
وجد قوماً بهــا ديــن ومــروه
ووكلهــم على القلعــه وكــاله
هم الوكــلاء والتــاريخ يشهــد
وصــارت ورث من اب لعيــاله
**وهذا الاسم والفخــر المسمى
تسميتوا على مسمى الطــواله
بنو هاشم اهل حكم وسيــاده
لهم تــاريخ يزخــر بالجــزالــه
عــزاز انفوس ماترضى المهونه
ســراج الحــق واعــدا الظــلاله
تعــز الجــــار والعــانــي تعــزه
تحــب الضيــف وتكرم سبــاله
وهم آل النبــي الهــادي محمد
واطهــر منسب وافضل ســلاله
**يحق النــا بمنسبنــا نتفــاخــر
وهــذا الفخــر مــانــلقى بدالــه
**
وخير ختام في ختم القصيده
( صلاة الله على محمد وآلــه )
الشريف عبدالإله بن مسعود العبدلي
ضباء 27 ربيع أول 1437هـ