الاخ القلعه مساء الخير
هذه سالفه سمعتها من الوالد وهي تحمل في ثنايها معاني كثير00
سافر رجل من عند اهله لقضاء مشوار بعيد وكان بينه وبين زوجته موده
لذلك عمدة على طبع كفها بلحناءعلى رقبه زمالته (البعير) كنوع من التذكار
وعندما اراد الرجل العوده لاهله مر على محل الماء للتزود فشاهد احد الاشخاص هذا الكف وكانت اصابع المراءه طويله فقال في نفسه 0 ول ان
كان هذي اصابعها هي كيف والله اني غير اشوفها 0 وجاء لراعي الزماله
سلام عليكم وعليكم السلام قال الولد : وين ياخوي الرحمن قال راعي الزماله :والله علي الديره الفلانيه قال انا خويك قال الله يحييك 0 وكلن ركب زمالته واتكلو على الله واخذو سبوع والثاني وهم سوى متخاويين على الخير والشر 0 واليوم عقب ما غابت الشمس حطو عن ركابهم وشبو نارهم 0 وقال راعي الزماله : ياخوي الرحمن حنا اهلنا قريبين من هنا
ولكن المثل يقول صبح القوم ولاتمسيهم ونمرح الليله والفجر نروح والله يحييك في ديرتنا 0 ونام راعي الزماله وقام الولد واخذ الزماله وركب عليها
وجهها على جهه الديره والزماله عارفه طريقها وهوه راكب عليها لين دخلت وسط البيوت وتوجهت لذاك البيت وقامت تثور وترغي وسمعت الزوجه الرغي وعرفت ان زوجها جاء من السفر وطلعت تجري تقابله خارج البيت وتهللي وترحب والولد ينقز من ظهر الزماله وعليها وياخذ منها ما ياخذ الرجل من زوجته 0 ويعود وبقيت الزوجه في حيره لماذا فلان
لم يتكلم ولم يرد حتى السلام ويعود بهذه السرعه 0
عاد الولد بزماله الرجل ونوخها وعقلها في نفس المكان وعاد الى منامه وكان شي لم يحدث 0 ونهض الرجل راعي الزماله وصحى خويه قم يا فلان
يله مشينا ونهض كان شي قرصه وهو يقول اعوذ بلله وعوذ بلله قال وش فيك يا خوي عسى ماشر قال الولد: والله ياخوي حلمت حلم ماهو زين والله اني مااقدر امشي معك خطوه قدام لازم ارجع هلحين قال احنا وصلنا هلحين
ولازم تروح معاي لعربنا قال مره غير هلمره اما الحين ابد ما والله اقدر 0
وعاد راعي الزماله ولين حرمته ماهي الاوله اللي خابرها وش فيكي يافلانه قالت :انا ماني حلالك قال: الا حلالي قالت اجل وش فيك البارح تجيني سرقه وتعود تقول خايف حتى الهرج ماسمعته منك 0 فهم الرجل ان خويه باقه وسواها 0 قال :ايه البارح البارح يمكن انا الوحيد اللي سويتها
من اخويانا كنا عشره وبيتنا في المكان الفلاني والله انا ما قدرت اتركهم واجيكي وش يقولوا الرجال علي ولا والله قدرة ابيت وانا خابركي انكي قرطه عصا من مراحي وهذا اللي صار وفرحت الزوجه بهلعذر اللي اثبت محبت زوجها لها 0 ولكن الرجل في داخله براكين الارض ثايره0
وبعد مده عاد الى المكان الذي قابل فيه الولد واخذ ينشد عنه لين عرف انه
ولد الشيخ الفلاني وهذاك بيتهم وهذيك خيمة اخته المخبيه فرح الرجال بالمعلومات اللي جابها وبالذات ان عنده بنت مخبيه ( مخفيه في خيمه لحسنها) وفي الليل تسلل الى الخيمه وعندما شاهدته البنت صرخت بصوت عالي وكان الشيخ في مجلسه بين ربعه وعياله الاربع وفرسانه وقاموا جميعهم 0 وش فيه يابنت قالت رجال دخل علي الخيمه قال ابوها رجال من يقدر يجي هلمكان وين الرجال قالت لما صرخت خرج 0 واخذوا يبحثوا ولم يجدوا شي وقالو يمكن تخيلك مافيه شي وعادوا للمجلس وعاد الرجل للخيمه وصرخت وخرج وعاد الشيخ ومن معه وش فيه يابنت قالت يبه رجل
واخذوا يبحثوا ويبحثوا ولم يجدوا شي وقال الشيخ يابنت وش هلرجل اللي
وده يجييكي فظحتينا بين الناس كل شوي وانتي صارخه ونجي ندور ما نلقا
شي والله ان سمعت صوتك وسحب سيفه من غمده غير اخلي هذا يشرب من دمكي 0 وعادوا للمجلس وعاد الرجل للخيمه ولكن هذه المره لم تصرخ
البنت ولم يخرج من عندها الرجل الا وجه الصبح00 وبعد ثلاثه شهور قالت
مرة الشيخ له يابو فلان ترى والله البنت هذيك الليله صادقه قال وش 0
قالت الكلام اللي سمعته قال وين عيالكي هاتوهم لي الاربع وجوا العيال قال يله ياعيالي ابغا كل واحد فيكم يسولف لي عن اغرب ماصادفه في ممشاه ومجاه وفي صيده ومقناصه وبداء الكبير وقال يبه كنت في هذاك المكان وخرجوا علي حنشل ( حراميه ) وقمت ومسكت اثنين بيدي وضربت وعرف الشيخ ان هلسالفه هذي ماتقوده لمبتغاه قال ايه عارفها اللي بعده الثاني ونفس الطريقه قال اصغرهم الرابع : كنت العام على الماء وشفت كف حرمه على رقبه زماله جوزها وقص القصه على ابوه قال تعرف مكانهم قال ايه اعرفه قال اجل وانا ابوك ودي اقلك باللي ماتعرفه الرجل جانا واخذ حقه امش اركب اختك وراك ودهاله قله خذ حرمتك 0 وفي احد الايام قاعد راعي الزماله هوه وحرمته في البيت ولا الولد وراه حرمه متجهين للمجلس وقامت الحرمه بتدخل المعند ( مكان النساء في بيت الشعر) قال جوزها اجلسي الرجال هذا ما هوغريب وقام استقبل الولد واخته وجلسوا سوى وتقهووا وبعدين وجه الكلام لزوجته يافلانه تعرفي يوم تقولي ليه تجيني سرقه انا ماني حلالك قالت اذكرها قال والله ماهوانا هذا الشخص هذا
ولكن وش راييك تخلصت لك منه جبت لكي اخته وفي بطنها ولد سديت فيه ولا قالت الابلله سديت قال اجل خذيها وادخلوا وقام سوى غداء الضيوف
وسلامتكم0000000

يعطيك العافيه على القصه الحلوه والجميله

ويتهمون شباب اليوم بالمغازل وقلة الحيا
وهم من اول ماقصروا
على الأقل شباب اليوم بس تلفونات وترزز
أم هم ماعندهم إلا ,,,,
ولا ياجماعة ،،،
يعطيك العافية يابوفايز ،،،سالفة شيقة ،،، فعلا نتمناها على الهوى مباشرة

[align=center]دائم فايز يا ابو فايز رائع وعلىما قال المويلحي الصغير من يا زينها منك على الهوى مباشرة[/align]

صح لسانك يا ابوفايز .

ابو فايز


قصــه رائعــه وجميله وفيــها من العبر الشئ الكثير

( كما تدين تُدان ) نسأل الله العافيه والسلامه .....


لك مني فائق التقدير

كل الغلا

نعم بابو فايز رحمة الله على ابو ابراهيم كان موسوعه في السوالف الهادفه

وكما قال الشاعر0
لسا نك لاتذكر به عورة امرا000 فكلك عوراة وللناس اعينوا
وذكرتني بسالفة السقى (دقه بدقه ولو زدت لزاد السقى)
كما تعرف يابو فايز انت والسامعين كان الماء في الماضي يحضرونه للبيوت بواسطة الدواب
ومن يقوم بتوزيع الماء على الحارات يعرف باسم السقى0 ومن الضمن متفق مع السقى رجل في الحارة من مده قديمه واصبح متعود على البيت عندما يجيب الماء للبيت يصبه في المكان
المعد لذلك0 واستمر على ذلك سنين0 محل تقدير اهل الدار0ولكن في يوم من الايام ذهب صاحب البيت للبير الذي يسقون منه الناس 0 وساعد امرأة وسقاء لها من البير واعجبته
وضغط على يدأها طبعا بنيه غير سليمه لان الشيطان لعب لعبته اعاذنا الله منه0
ولكن كما تدين تدان0 حاضرا غير آجل 0 لان السقى في نفس هذا اليوم عندما ذهب لبيت هذا الرجل صب الماء واخذ يتحرش بصاحبة البيت وضغط على يدها واستغربت صاحبة الدار هذا
التصرف منه ونهرته0 وذهب ولكن عندما دخل زوجها الدار قالت له اسالك بالله ماذا عملت
اليوم وامام هذا الالحاح قال شاهدةأمرأة واعجبتني ولمست يدها0
قالت السقى عمل معي اليوم نفس العمل00000 (دقه بدقه ولو زدت لزاد السقى)

يعطيك العافيه قصه حلوة ( وكما تدين تدان )

الاخوه الافاضل الف شكر على مروركم المعطر لصفحتنا ولكم خالص الود