من باب رد الجميل حبيت اشارك بهذه القصيدة لمن تعنيه

1.ياطلال الحويطي قوم وخـلك خفـيف ود هذي الرساله بأبلــغ الاحتــــرام
2.ودها احمد ولد عبدالرحـيم الشريــف وبلـغ الهاشمــي عني كثيــر الســــلام
3.عطه مني القصيده واخذ فنجال كيـف والقصيــده تعبـر عـن كثيـر الكــــلام
4.وان قراها خذ المردود والوقت سيـف لا تــوخر علينــا يالحــويطــي قــــوام
5.لو حدوني نصيت وجيت ضلعاً منيف لن حـداني النهار وصــار عــج وعسام
6.ماحداني الديون ولانقصني الــرغيـف واحمــدالله حــالـــي مــن على مايرام
7.عندي نيه سليمـه وعنـدي قلبــاً نظيــف وصرت محشوم مابين الرجال الحشام
8.وقتنــا يابــو هــاشم يالطيـف يالطيـف طاح غصنــاً تغنــى في طرفه الحمــام
9.( ) احتدانـي لين شلـت الرصـيـف ويش اسوي ما دامـه حدنــي بالنظـــام
10.اصدر امره يابو باســل عليــنا كليــف كل يومين يصدر لي جــزاء واستـــلام
11.يـوم اسـلم رقيب ويـوم اسلــم عريــف بيـن هـم استــلام وبيــن هــــم الـــدوام

عندي نيه سليمـه وعنـدي قلبــاً نظيــف00 وصرت محشوم مابين الرجال الحشام


تستاهل يابو محمد الشيمه والقيمه ومن اهلها لاهنت ياشريف على العين والراس
بين اهلك وربعك وذكرتني بقصيده لاحد الزملاء في مثل هذه المناسبه
يقول0000

لونها الشدات شدتها تهوني000 والبلاء يالربع فيها عنصريه

[poem=font="Arial,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

آه واعز حال اللي مفارق وليف = لاتهنى بزاد ولا يذوق المنام
باري الهم العوده لين غادي نحيف= ون تذكر مواليفه عن الناس قام
سج فكرة يقودنه خطاوي كفيف = من فقد نور عينه ماعليه الملام
قالها اللي طعونه في المحاني نزيف = لازفر من معاليقه عن الوعي سام
واعنا قلبي الي للصواديف ريف = اشهد انه على قلب الشريف السلام
وسلموالي على مسكنه في عفيف= له وصوف المها ومن القطا والحمام
كان كل المواسم في غرامي خريف=ياخسارة سنيني ياحرام الحرام [/poem]

[وسلموالـي علـى مسكنـه فـي عفيـف
له وصوف المها ومن القطا والحمام

[
مرحبا بالصديق اللي عدو وحليـــــف مر راعي دعاوي ومر راعي غــــرام
ارخص اهل المويلح عند راعي عفيف خلى ذيك القلاع وراح يم الخيـــــام
لو دروا عنك خلق الله نويت النكيــف وجيت يم الخوال وجيت يم العمـــام
وادري انك يابو فايز جوابك طريـــــــف وخل راع الهوى لأهل الهوى والهيام
انت رجلأ وقوقر ولا لمثلك وصيـــــــف وطلب الله في حسن العمل والختام
زل وقت الربيع وجاك وقت الخريـــــف وما بقا خلها بين الحجر والمقـــــــام
وخل راعي عفيف وخل قلبك عفيف وانت رايح ولله البقا والـــــــــــــــــدوام

با الذهب منقوش ع ناعم قطيف ** منكم يا الليث ع صدري وسام

من تعود قيادة ما قنع با الرديف ** ومن قلع ثوب ناعم يجرحه لبس خام

ما نبدل مبانينا الحجر با الصريف ** ما توسّد يديني عقب ريش النعام

ولا توجد على اللي من جدايله لليف ** يخلعنك سنونه لا غشاة الظلام

كلنا في ذرى واحد خبير وللطيف ** فيه ضني كبير وضنتي مانظام

الشريف سعيد يابو فايز يبي اخر ايامك بين الحجر والمقام وانت تقول خلك
مسكنه في عفيف0
ذكرتني بقول الوضيحي 0
اتايه اللي جاب بصري يقنه000 احيا جروح العود والعود قاضي

طبعا مع فارق التشبيه ابوفايز شباب والله يقويه بالعافيه 0
يعطيكم العافيه جميعا والاخ الشريف سعيد له يم ذيك الديره
خوال وعمام ولكن توص باخوك ابوفايز والله انه يجمل بالخوه

ابــو فايز على ماقيــل ماهــوب ضيـــف والاكارم تشرف بالرجال الكـــرام
ان بغى من الحرم والا من ارض المصيف ولا يــرد الاكارم غير ناس لئـــام
وتـدري انـي علــى دينـه ودينـي حنيف وانت يابو محمد لا تثير الخصام

طبعاً لو حصل سجني في قلعه المويلح يكون أ حسن وابعد واريح


يابو ماحمد وش رايك حسب النيه السليمه والدين بس صاحبك له نوايا والله اعلم
ماخليت درب الا مشيته وهالحين الراي رايك
مر يبى عفيف ومر يبى الحجاز وهالحين كبها كلها ويبى يسجن في القلعه
مدري ويش يقصد والظاهر من بعد ماطارت وراحت ومشت قال( الله يقلعها )

لو تخاويتم يالربع افضل لكم لانني متاكد ان بينكم اكثر من قاسم مشترك
والبديل ماهو في صالحكم وسوف نوصي بالاقامه الجبريه الابوفايز في قلعة المويلح
والاخر تحدد اقامته في مضيق الحرّث0 ونعطيكم وقت للتفكير 0

صباح الخير لبو محمد وابو فايز والجميع
انا اللي لي الشرف اني اتحاور ومعك وامزوح تجي وتروح
وان ضاق صدرك مني في شي صارحني
والا اقولك ... دور لنا موضوع لي انا وياك وابومحمد ويكون لنا فيه اشترك مثلاً ( ........)
ولا بلاش

اللهم صل على محمد