[align=center][align=center]
[align=center]دام واحد كتب تاريخ والثاني طرق قنص خلونا نطج هالقصيده يمكن تزيل الاحتقان ,, وعشق الكيان و عشق الاوادم كلها تؤدي للجنون .. ولا أخال انكم الا كذلك .. وسلملي على ساميه نصروايه
..[/align]
[poem=font="Simplified Arabic,4,darkblue,normal,normal" bkcolor="burlywood" bkimage="" border="none,4,sandybrown" type=0 line=0 align=center use=ex num="0,black"]
على ذاك الطريق اللي يسمونه غـرام أحبـاب=وطت رجلي على دربه ولاأدري وش نوى فيني
تبعته لآخر دروبه .. ألين أن القمر قـد غـاب=تعـب قلبـي ، ولا تعبـت مسافـاتٍ تودينـي
لقيت الليلة الجردا : هدب ظل وسما واعشـاب=بعـد ذاك الظـلام اللـي يتوهنـي عناويـنـي
صدفتك معجبه فيني وياليت..الغـرام : اعجـاب=وتراك انتي الهنوف اللـي هقيتـك تستحقينـي
عطيتك عشق من قلبي..وسلمت لغـلاك رقـاب=وغيـرك يحتـرق قلبـه ولا يقـدر يحاكينـي
أنا قبلك صدفت عيون لكن ويش جاب لجـاب؟=ترى كـل العيـون اللـي لقتنـي مـا تكفينـي
رماني حظي العاثر عليك وجيـت لـك طـلاب=ولا أنتي اللي عشقتيني ولا انتي اللي عتقتينـي
تعالي واعتقي ذاك الخفـوق المولـع المرتـاب=مهب لاجلي ، عشان الله يجازيـك ويجازينـي
تعدي في سما عشقي ولو عشقي خراب أصحاب=وصوني بالهوى نفسك قبل لا انتي تصونينـي
وشيليني على متنك : خفوقٍ بـاريٍ منصـاب=ومن فوق الغرام العذب .. شيلينـي وحطينـي
ولا منك هقيتيني شجـاع ومـا يطيـق يهـاب=أنا لك بالهوى والله مثـل مـا انتـي هقيتينـي
أنا ما أمشي ورا غيرك ولو أنه يطـق البـاب=وترى عيبٍ عليّ أطعن..ولو كثـرت سكاكينـي
زهودٍ مـا يطيـق الـدم لا دايـن ولا طـلاب=شجاع وعارفٍ نفسـي وأظـن أنـك تعرفينـي
غيورٍ ماعرفت أضحك مع الغدر ببّرود أعصاب=أبيـع عيونـي الثنتيـن قبـل أنـك تخونينـي
إذا شد الغرام .. اترك خفوقي : بين ناب وناب=لفرقى تكسر ضلوعي .. ولا عشـقٍ يوطّينـي
أنا رجلٍ ولي غيره .. وإذا شفت الهوى كـذاب=تثـور بقلبـي الفزعـه ولا تهـدى شياطينـي
سؤالك لو يزعزع بي كياني مـا قبلـت عتـاب=اجي لك وأسالك نفس السؤال اللـي سألتينـي
عن العشق القديم أبواب .. تقفيها كثير أبـواب=بعد ذاك الحبيب اللي خدعنـي وانخـدع فينـي
أبي عشق تحسب له كل نظرات العيون حسـاب=وابي قلبٍ علي قلبي ، وابى دينٍ علـى دينـي
وابي نظرة عطا توفي ولا تخلف بدون أسبـاب=وابي منك قبـل لا نتـي تصدينـي .. تودينـي
وابي دربٍ على العذال صعبٍ ومتعـبٍ وغـلاب=وابي نفس الطريق الصعـب يبعدهـم ويدنينـي
ترى لو للقلوب عيون ولدموع العيون أهـداب=حشى ما تنزل الدمعـه لغيـرك لـو تركتينـي
أنا أول من عرف قدرك وأنا توي صغير وشاب=وابي منـك مـا دام أنـك عرفتينـي تحبينـي
ما دام أني لقيتك في طريق أسمه غرام أحبـاب=دخيـل الله ، وبعـد الله دخيلـك .. لا تخلينـي
ما دام أن كل من يحيا على وجه التراب تـراب=عسى تنساني الدنيـا مـادام أنتـي ذكرتينـي [/poem]
لحامد زيد .. \
إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشـقٍ يوطّينـي
عزالله لا عاش عشق يوطيني !!!
إلاّ عشق .............................. اكيد مو النصر
[/align][/align]
[/align]
ولكي تزيدوا عدد الكؤوس في الخزينة العرجونية . 
العرض العادي
