[frame="3 80"]ياماحلى صيخ على النار تشتش
تحوفه بيمناك لارحت مطراش
شكيت به شيخ ازغر وملس تنعش
ماطبن فريزر ولابل بخياش
طازج وتوه تحت رجلك يفرفش
دمه رطب والريش ناعم ونفاش
صايدهن بسبع وعشرين تنقش
ماهي ثمانين تروحهن طشاش
عقد كما الياقوت والماس ماغش
اغلى من الحاشي ومفاطيح الاكباش
وعندك ضروس تجرش الصلب والهش
وقيلون يزبن الا اركيت ماهاش
وليامن بدى صيدك من النار يكمش
ودهنه بدى ينطف على الجمر تشتاش
فالحق على ملح من الساس يجرش
ذره بلازود ولاتنقص رشاش
ولااحمرت الثندات يالقرم فانحش
نحش عن النيران واقعد على فراش
ثم اجلس وريح وبرد وعرمش
عرمش ترى عمرك قصير وكماش
واحمد عظيم قبل تغسل وتمحش
خشتك حمده يافتى الصيخ ببلاش
يحق لك تآكله طازج يقرمش
ولاالردي أكله من البيت فشفاش
هذا الشبح ماهوب تمر يجروش
هذا الشبح بالبر مارص بخياش
ثمن على الخادر تصرم ونشنش
واعرف ترى الشاهي لزود الدسم قاش
هذي حلاته في حلال تعيش
عمرك ترى وان طال مشسيول بانعاش
وصلو على اللي بلغ الدين ماغش
محمد اللي كاشف كيد غشاش [/frame]




[poem=font="Simplified Arabic,6,black,bold,normal" bkcolor="transparent" bkimage="" border="double,10,crimson" type=2 line=0 align=center use=ex num="0,black"]
يا جض قلبي جضت الطرش لاجض=مصبح فـي مرتـع لـه وجاضـي
ثار الصباح ومقـدم العـج فـوض=وأنقاد سلمـه للهجيـج أجتياضـي
طقـة عقيـد للطلـب ماتـريـض=وكدر على اللي راتـع بالفياضـي
ذعذع هواه وساعفه لطلـب حـض=وأصبح على توليف قومه يحاضـي
على الذي عوده معا شبتـه غـض=أشقح نشـاش وساطـع بالبياضـي
توه علي مـازان يحمـر ويبيـض=لين وغض وكل طلعه غضاضـي
نبنوب لوزناعـم عقـب ماأبـرض=في جال حيرمن السموم أمتجاضـي
عليه جرح فـي الضمايـر تنقـض=والعقل عقب أمفارق الزين فاضـي
طفل على غـرات قلبـي أمفـوضوأنا تراني عـن جفـاه أمتغاضـي
صلحت صلحت راعي القصر لنقض=مخلاص مابي في هوا الزين قاضي
ذبح لطـراد الهـوا يـوم عـرض=يمشي بهون ومشيتـه بأعتراضـي
يكشف جبينه كنـه البـرق لا نـض=ولا تباها قلـت ذا البـرق ناضـي
مثل القماش اللي الى خزن عـوض=راعيه رابح كـل مابـاع راضـي
قلته وأنا في مقصد القلب أبركـض=وكل على مقضى لزومه يحاضـي [/poem]

[align=center]السلام عليكم ورحمة الله

أضيف هذه القصيده
هذه قصيدة للشاعر ســـليمان المانع[/align]


[align=center] سنابـــــل قمــــح [/align]
[align=center]مدام ينت سنابل قمح وجة أمي ....... مايوصل الجوع لوحاول لوجداني
واللي يبيها حرام ان قلت ياعمي....... لاضرب رصاصه بعيني واقطع لساني
ذا شعري اللي تشوفنه وذا دمي ....... من منهم اللي يشرب نكهة الثاني ؟؟؟
تظلم وأغني بسرب أقمار من فمي ....... عاهدت انا الناي والراعي وغنـــاي
أحيان أسمي وبعض احيان مااسمي ....... خاف الشياطين في عمري يتبلاني
كم واحـــــد لاك قبل معاشري ذمي ....... ولاني موصي علي قاصي ولا داني
لي دربي الخاص ولي فكري ولي همي ....... لي ذكرياتي لي احلامي لي احزاني
ومازال يشـــــرب ريح عنادهم كمي ....... والله لحلق وأحلق وارسم الواني
ماقدامك غبار ياخيل أولي شمي ....... بور القصايد وغني لي عن الجاني
مانيب مسبوق لي سفني ولي همي ....... والناس مثلي وانا مااقول وحداني[/align]

[align=center]"لاهنتم جميعاً"




هذي الهجينية تعجبني[/align]
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما كل زول يعوض زول=و لا كل الأزوال مملوحه
زول يهوّل وزول هول=وزول يكفي منه منضوحه [/poem]

قصائد جميله ويعطيك الف عافيه ,,,,,تشتش ههههههههه اعجبتني

[frame="3 80"]اخواني الكرام :
الشريف فهد
فلنتير
راعي الشعيلة

اشكركم على مداخلتكم الكريمة وعلى الاضافات الراااائعة

سلمتوا ولاهنتوا

ودمتم [/frame]

[align=center][align=center]يا وجودي كل ما هبّ صوتك من شمـال
وجد من حدّه زمانه على اللي ما يبيه
.
ويا وجودي كلما اضحيت ثم مال الظـلال
لا غفت عيني ولا ذقت شي ٍ مشتهيه
.
وجد من قفّى وهْو في رجا كلمة تعـال
وإلتفت من عقب ماْ اقفى ولا أحد ٍ لدّ فيه
.
ويا عذابي لا دنا الليل من روس الجبـال
وانتهى يوم ٍ من العمر ما عاد أرتجيه
.
وانتي أبعد من سما الحلم ووصالك محال
يا بعد من هلّ دمعي ضحى الفرقا عليـه
.
يا غناتي لا تحسبين دمعي يوم سال
ضعف ولاّ خوف ولاّ كذا ولاّ كذيـه
.
والله إني من رجال ٍ يضدّون الرجـال
لكن الحظ ّ الردي ساق دمعي كل بية
.
ووالله إني كلما دار حوليك الجـدال
قمت كنّ الموت يشّر على قبرى بديه
.
ووالله ان قد لي وانا اصّد لا جالك مجال
صدّة اللي لا تضايق تذكّر قبر أخيه
.
ومن سألني قلت مدريوإذا عاد السؤال
قلت له تكفى سؤالك ترى ماهو وجيه
.
وش تبيني اقول عن من ترى ذبحي حـلال ؟
والخطا منها عليّ صرت أحبه وأهتويـه
.
عذرها لو ماْ تْعذّر مثل واضرب مثـال
واحد ٍ ما يعرف الحرّ اأشقر يشتويه
.
وان رجعنا للتواصيف لله الكمال
لانتهى ليل المزايين جاتـك هي تبتديـه
.
كنّها غفل ٍ مع البدو طاويها الحيال
ما يميّز وصفها إلا نبيه ٍ من نبيه
.
وآهني اللي وصلها وذاق من الزلال
شربة مع غفلة الناس من فيها لفيه
.
ياْ اول أحلام الطفوله على حد ّ الخيـال
الرجى باللي حمى البيت من حملة بريه
.
حال دونك سيف عنتر وتاسع حول حـال
باْثر حول ٍ حال دونك وانا ادعى هيه هيـه
.
هيه ياللي غرّك الحسن واطغاك الجمـال
والله أني اموت ما شفت لأوصافك شبيه
.
لو يسام الحسن والتيه بجنيه وريال
ما بقى في سوق غيرك ريال ولا جنيه
.
كيف أهدّك للمقادير وانتي راس مـال؟؟
راس مال والمال ماْ يغطي السفيه
.
حافظك حفظي لعيني ورمشي لك جـلال
وانتي تْشحّين بالماوانا شفّي مويه
.
شايف ٍ ظلمك وساكت وطال الليل طـال
لا نويتي طعن قلبي وانا ما قلت ليـه
.
لو بقى للهيل صبر ٍ على فوح الـدلال
ما بقى للهيل صبرٍ على شي ٍ يجيه
.
وانتي تْسوقين عقلي على حدّ الهبال
تحسبين ان من بغى شي يقدر يشتريه
.
ولاّ انا يا وجد حالي وجود ٍ ما يقال
وجد من ضحّى بغاليه لْرضا والديـه
.
ويا وجودي بأول العمر قبل ألبس عقال
وجد من باع آخر العمر في رغبة ذويه
.
ويا وجودي كل ما هبّ صوتك من شمـال
وجد من حدّه زمانه على اللي ما يب يه[/align]




الشاعر ضيدان بن قضعان [/align]