[frame="7 80"]الطيب فرصه والجمايـل توافيـق
ومن لا توفق ماكتب لـه جمالـه

ومن لارقى للطيب روس الشواهيق
مازان له وقته علـى مـا بدالـه

وما دام لفعول الجمايل عشاشيـق
كسب الجمايل ما يجي بالسهالـه

ولوأنها تشرب مع فكـة الريـق
كل خذا له كل ما أ صبـح بيالـه

والطيب منوه للقلـوب المشافيـق
كل يتـوق ومنوتـه رأس مالـه

والمدح مايزهى على الرجل ويليق
الا لا صارت وافيـات خصالـه

يستاهله رجـل يفـك المزانيـق
اللي يقال ونعـم لا جـا مجالـه

ومن ساقته نفسه وهو مابعد سيـق
لأجل الجميـل يزيـن الله فالـه

والمرجله ماهي بتحتـاج تنسيـق
من بين قلب اللي عشقهـا وبالـه

ومن عادة الدنيا تخـون المواثيـق
تفتـر مكرتهـا سـواة المحـالـه

ولو لا اللوازم ماعرفنـا المخاليـق
مانعـرف الرجـال ليـن انعنالـه

والكفؤتظهر فزعته حـزة الضيـق
وينشاف في الشدة بعين العدالـه

نسل الرجـال متعّبيـن الملاحيـق
متوسط من بيـن عمـه وخالـه

واللي يطيق ولابغى قال ماأطيـق
تحرم عليـه المرجلـه والشكالـه

والهيّنه تكبر على الـلاش والهيـق
له في الرخاء قاله وفي الضيق قالـه

والطيب شاره والضماير صناديـق
واللاش طيبه مـا تعـدى ظلالـه

وانا اسبر قلوب الرجال المغاليـق
والصامت اقطع غايته مـن مقالـه

ومادام في الدنيا رجال ومطاليـق
نصيتهم والـلاش مالـي ومالـه [/frame]