بسم الله الرحمن الرحيم



اخواني الاعضاء اعتذر اولاً عن الانقطاع لفتره طويله .

وارجو ان تشفع مشاركتي هذه عندكم . ارجو ذلك.

ثانياً , اقدم لكم هذه القصيده وهي آخر ما قلت( مع بداية موسم القنص) وهي مسنده للأخ
العزيز الشاعر سلطان بن مسيعيد السليمي العطوي (راع شقري).


[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
سلطان شقري زان وقت الهدادي = الروض معدي والحباري رتيعه
وطيرن على ما قيل طلعه وكادي = سيوف كفه بالمضارب شنيعه
الحر الأشقر من طروح الحمادي = الراس كاشف والمواري بديعه
اليا انتهض جول الحباري شرادي = السيف ساطي والعواقب قطيعه
وخوة مثل شرواك رايه سدادي = وألا الردي واجب علينا نبيعه
الخوه اللي ماتجيب النكادي = اللي كسب عز المراجل جميعه
اللي يراعي خوته ما يعادي = ماهو من اللي كل علمن يشيعه
وياما حلا الفنجال عقب الطرادي = من دلةٍ رسلان خصرا لميعه
ورجال حول النار والجو هادي = تحت النجوم اللامعه والسطيعه
وسوالفٍ فيها علومن جدادي = بين الرفاقه والصدور الوسيعه
هذا هوى بالي وهذا مرادي = هذا طرب نفسي وهذا ربيعه
اسج روحي في ربوع البوادي = عشق البراري يارفيقي طبيعه
مليت انا التلفاز هي والروادي= اخبار شينه كل يومن تذيعه
تفجير في بغداد وألا الرمادي = نمسي ونصبح والمجازر فضيعه
والأسهم اللي دوم حمرا سوادي = غير الخساره والحسايف فجيعه
يقوله اللي غربته بازديادي = والحر مايرضى مواكر وضيعه
عيا يفك القيد رغم اجتهادي = ولابد مانكسر قيودٍ منيعه
يالله ياربي عليك اعتمادي = يالله فزعاتك علينا سريعه
وصلاة ربي اعدا هب البرادي = على النبي المختار نهج وشريعه[/poem]




الشـــــريف مصـــعب بن علــي الوكــيل المويلــحي

اللهم صل وسلم على سيدنا محمد وعلى اله وصحبه اجمعين
الشريف مصعب
لافض فوك ... حضورغطى على كل الغياب . دمت لنا

روعة القصيدة لاتقل عن روعتك

يابناخي.

والله يا مصعب القصيد الزين

ماتجيبه من بعيد .عمك الوافي

قدامك

الله الله الله 000 يابو عشيبه
الحر الأشقر من طروح الحمادي=الراس كاشف والمواري بديعه
اليا انتهض جول الحباري شرادي=السيف ساطي والعواقب قطيعه
هذي قصيده


وياما حلا الفنجال عقب الطرادي=من دلةٍ رسلان خصرا لميعه
ورجال حول النار والجو هادي=تحت النجوم اللامعه والسطيعه
كالعادة يابو عشيبه مبدع لاعدمناك

يازين والله بالخلا شبـت النـار
والضو لا قزٍ ولا هـي بدافـور
الا الحطب لاحط من فوقها أسطار
والا جروم الرمث يابس ومجرور
في ربعتن تهيا لمجلس ومسيـار
فيها السوالف والفناجيـل بالـدور
لا قمت منها ناصين ربعت الجار
القى ربع ما تخالف على الشور
وليا مشينا بادهم الروض وأزهار
كنك تقول انه من الزرع مبـذور
في جانبه دجنا وجينـا بالاخبـار
وقلنالهم عشبٍ ولا هوب ماثـور
من عقب وبله ما بعد جـاه ديـار
إلا أم سالم صوتها فيـه مشهـور
وشدًو له اللي ما يهابون الأخطار
وتقاطرو ببيوتهـم كنهـا القـور
ما حب أنا دارٍ والادنين فـي دار
أبغي الجماعة كلهم دايـم حظـور
إن التفت إيمين والا علـى يسـار
أشوفهم والقلب بالربـع مسـرور
عوامرٍ تسقي العداء كدر الامـرار
ياشينهم في وقت غادر ومغـدور


ياريت تعوض الشباب عن ايام الغياب بمثل هذه القصايد اخوك ((راعي الشعيله))

[align=center]الحر الأشقر من طروح الحمادي
******************** الراس كاشف والمواري بديعه
اليا انتهض جول الحباري شرادي
******************** السيف ساطي والعواقب قطيعه
:
:
الخوه اللي ماتجيب النكادي
******************* اللي كسب عز المراجل جميعه
الله الله الله
صح لسانك يابوعلي
من طول الغيبات جاب الغنايم
تحليق حر في سماء الابداع قمه في التميز كقمة جبال شقري الشاهقه
والله والنعم مليون بن مسيعيد[/align]
في انتضار الجديد

[poem=font="Times New Roman,5,black,normal,italic" bkcolor="transparent" bkimage="" border="solid,1,darkred" type=0 line=0 align=center use=ex num="0,black"]
الخوه اللي ماتجيب النكادي=اللي كسب عز المراجل جميعه[/poem]

[align=center]والله وثلاثة أنعام بالخوي وخويه[/align]
[poem=font="Simplified Arabic,5,black,normal,italic" bkcolor="transparent" bkimage="" border="solid,1,darkred" type=0 line=0 align=center use=ex num="0,black"]
اسج روحي في ربوع البوادي=عشق البراري يارفيقي طبيعه
مليت انا التلفاز هي والروادي=اخبار شينه كل يومن تذيعه [/poem]

[align=center]عزالله أنك جبتها ملينا الذل والهوان

صح لسانك والله يعطيك العافية وهذا الشبل من ذاك الأسد

ومثل ماقال شاعرنا وتاج رؤوسنا أبوفالح أنشهد أن الذيب عقب لنا ذيب[/align]

صح لسانك يابوعشيبه
والله ونعم بك وبسلطان شقري

الاخ ابو فالح اشكرك على المرور والله يعطيك العافيه.

العم الوافي (على خطاكم نسير) , وشكرا على المرور.

ابوفايز مرورك اسعدني . الله يعطيك العافيه .

راعي الشعيله قصيده رائعه ,شكرا على المرور. وابشر بالجديد ان شاء الله .

دهن العود . ابشر بالغنايم . وصح بدنك .

وكيل المويلح اشكرك على المرور والتعليق .

البير الشمالي الله يعافيك . وشكرا على المرور.

[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وياما حلا الفنجال عقب الطرادي=من دلةٍ رسلان خصرا لميعه
ورجال حول النار والجو هادي=تحت النجوم اللامعه والسطيعه
وسوالفٍ فيها علومن جدادي=بين الرفاقه والصدور الوسيعه
هذا هوى بالي وهذا مرادي=هذا طرب نفسي وهذا ربيعه [/poem]



[align=center]بغيابك يابو عشيبة نخسر كثير

لاهنت يامصعب

"صعب" يابو علي .. تتعب من يجاريك ويفخر بك من يخاويك[/align]

الاخ فولنتييير

الله يعطيك العافيه . لاهنت .

بيض الله وجهك وصح لسانك
كفيت وفيت كلام جميل وانت اجمل


الله يمسيكم بالخير جميعا ، نسأل الله أن يسقي البلاد يزيد ويبارك ويعم الجميع برحمته وفضله:

جاءتني هذه الرسالة عبر الجوال وفيها هذه الابيات وحبيت ان اشارك بهى وتجي باسلامه يا بو عشيبه:

هل المطر وبشر الوقت بالخير
-------------------- والغيم في جوه تزبر سحابه

يهل وبلٍ مثل ضرب المسامير
-------------------- يقطع على الشعبان بأعلى هضابه

خلاص ما يحتاج للوضع تأخير
-------------------- تكفى ترا قلبي تزايد عذابه

وخوة نشاما طيبين ٍ مناعير
-------------------- فنجالهم يدرج ونثني شرابه

الاخ حياك

الله يعطيك العافيه على المرور , والله يعم الامطار على المسلمين يارب امين.


والله يسلمك من كل شر , والف شكر على الابيات الرائعه.

الاخ الكريم

الشريف مصعب ((ابو عشيبة))

صح لسانك

قصيدة رائعة ومعاني جميلة


جزل ياشاعر

والسلام

الله يحييك يالشريف العذبي

صح بدنك

وتشرفت بمرورك

وشهادتك فخر

صح لسانك يامصعب الوكيل
ويستاهل بن مسيعيد

الاخ السليمي العطوي

الله يحييك ويعافيك من كل شر

تشرفت بمرورك