[align=center]
اوقاتكم حلوه ان شاء الله ..

الشكر والتقدير للأخ (فلنتير) على تبرعه لي بالسؤال ( وصدقه واصله )

وكيل المويلح دمت بأحسن حال بإذن المولى عز وجل ..
ابدأ من حيث انتهى كلامك والذي لمست فيه شئ من (حتى) وحتى لا نذهب بعيداً نسولف اولاً
حلوه سواليفك

سيدي
ابكرت في السفر !
لكن ليس إلى القمر !!!!!
فالغربه تأخذ لذيذا !
وتعطي لذيذاً !!!!
لا أقصد بالغربه غربة الروح ..
فالمؤمن وطنه وتعريفه وبطاقته التي يدخل فيها الحياه
هي الإيمان بالله تعالى وبما انزل وبمن ارسل ...
وقلبك بإذن الله عامر بالإيمان به وبمحبته سبحانه ..ولا اناقش هذه المسأله فيك ..
نتحدث عن غربة الأهل والمكان !
ولوحة ( THE END ) لن تُرفع !
طالما هناك حياه ..
فتتغير الأماكن ! والسماء واحده !
لكن لبعض الأماكن ضرائب !

ولنجلس سوياً على شاطئ الأمل !
ونستريح مع
( محمد الدحيمي )
حتى يأتي دور السؤال !

[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يعين الله يادنيا تسـوق ايّامهـا الأحــزان=يعين الله .. وانتي مثل قفـل ٍ ضـاع مفتاحه

يعين الله ... وجروحي لها في كلّ وقتٍ شـان=كذوب اللي يقول ان الزمن بيـداوي جراحه

سقى الله يوم انا يمـّه غرير ٍ يزعج الجيران=سقى الله يوم انا طفلٍ يصج البيت بصياحه

سقى الله يوم كان اقصى طموحي .. لعبة الدنان=نهاية يومي المغرب ... واخاف الليل واشباحه

سقى الله يوم انا البس بشت ابوي وثوبه القيطان=واقلد كلّ شيٍ فيه .. حكيه .. جدّه .. مزاحه

واشيل المسبحه مثله ليا هوجس وهو سرحان=بيشعر ...واحسب ان اللي عطاه الشعر مسباحه

سقى الله بيتـنا ذاك البسيط مشقق الجدران=شجـاع ٍ يهزم الغدراء … بقنديله ومصباحه

تكحِّلنا القناعه .. لا طمع .. لا هم .. لا حرمـان=واذا جاء الليل تكفينا ... ثلاث اخوان .. طرّاحه

جميع الذكريات اللي غدت في قفرة النسـيان=يحـاكي حلوها عبره ... بموق العين سبّاحه

خذتني غربـةٍ عنوانها ... غربه بلا عنوان=ابي عقب التعب راحه ... لقى فيني التعب راحه

رجعت اليوم مثل اللي رجع عقب القنص خسران=غدا طيره وجاء يسحب سلـوقيه وملواحـه

قصيده مابَعَد مرّت ببال مسـاعد وضيـدان=هواجـيس ابدويٍ هايـم ٍ في عشق فـلاحه

وروح ٍ تايبـه كانت تبي لذنوبـها غفـران=خطـاي انّي كتمت اسرارها بعيـون بواحه

تقولين المطر ماهـوب … يمّـه دايمٍ هتان=اجل معذور قلبٍ في همومه ضاعت افراحه

انا يمـّه غلطت ولاني اول واحـدٍ غلطان=ابونا آدم من الجنه خرج باسباب ... تفاحه

خذلك الوقت فيني .. ماخذلتك ياأعـز انسان=وش الدبره ؟ وحظي صار.. قفل ٍ ضاع مفتاحه[/poem]

ابونا ادم من الجنه خرج باسباب (تفاحه) !
واصبح لكل خروج
(تفاحه) !
وأحياناً
(مطارق)

وكيل المويلح

خروجك من ديرتك !
غربتك !
ماذا أعطتك ؟؟ وماذا أخذت منك ؟؟؟

تقديري لك .

ولا زال باب التبرعات مفتوحاً [/align]