[align=center]هذى قصيدة قالها الشاعر عاقل الزيد رحمة الله في عمي " وكيل المويلح"
ظلت حبيسة الأدراج لدى عمي حفظة الله
ولا أعتقد بأنه سيعلن عنها وألتمس منه العذر على البوح بها.[/align]
[poem=font="Simplified Arabic,4,black,bold,italic" bkcolor="transparent" bkimage="backgrounds/19.gif" border="none,4,gray" type=0 line=0 align=center use=ex num="0,black"]
مليون شكر يابو طيف مليون=على وفاك وطيب ساسك ومبداك
أقولها من قلب وإحساس وعيون = ويقولها قلب على الغير بداك
قلب غمرته بالوفا منك ممنون =اليوم يشكر ياأبيض الوجه مسعاك
من شاعر بالصدق والحب مسكون = يفخر بمدحك ويتشرف بطرياك
غلاك في قلبه من سنين مكنون=وإن غبت تبقى سيرة الطيب ذكراك
يهون غيرك وأنت والله ماتهون =مكانتك بالطيب من فوق الأفلاك
غيرك بحزات اللوازم يغيبون =والا أنت..حظ اللي من الضيق ينخاك
المدح في شخصك له شجون وفنون=وعندىوإحساس ..وشعور ..وإدراك
أن الوفاء ساسك والأشراف يدرون = وكم واحد لا ضامه الوقت ينصاك
والي تبيه يكون ..ويكون ..ويكون = غصب على الحساد وإعداي ..وأعداك
ماني من اللي يمدحون ..ويذمون =ولاهمني ..حاسد ..وكذاب ..ونماك
أنا كذا في راعي الطيب مفتون = وأنت تعرف لولا الغلا ثم لولاك
ماجيت لك هايم وضايق ومحزون =ومن ضيقتي وارد على حوض الأهلاك
أفزع لي بجاهك ترى أخوك مطعون = عجل عسى كل المنايا تعداك
لعل بوك بجنة الخلد مأمون = عبدالرحيم اللي على الطيب رباك
وأختامها ممنون ..ممنون ..ممنون= على وفاك وطيب ساسك ومسعاك [/poem]