[poem=font="Simplified Arabic,5,black,bold,italic" bkcolor="transparent" bkimage="backgrounds/6.gif" border="none,4,gray" type=0 line=0 align=center use=ex num="0,black"]
البارحة سيرت يم المعازيب=ولبيت دعوة من بوده دعاني
جيت الرجال الطيبين العواطيب=اهل الكرم والمرجلة والمعاني
اهل الحصن واهل الرمك والضواريب=ساس الامارة من قديم الزماني
سلالة السبطين شب(ن) مع شيب=اللي لهم كل الخلايق عواني
ال الوكيل مكملين المواجيب=اهل المويلح حي ذاك المكاني
ليله مضت مع الرجال الذواريب=ماكنها الا ليل عيد رمضاني
يدلهون القلب حشمة و ترحيب=وسوالف(ن) يطرب لها المودماني
في مجلس(ن) فيه الدلال المحاديب=مجلس حوى طيب الرجال وحواني
********************=
********************=
وأما علي يزهى به الشعر ويطيب=هات القوافي واحتفل يابناني
لاجله ارتب صافي القاف ترتيب=واصوغ من شعري جزيل البياني
علي تعلى عاليات المراقيب=ذكره وطيبه عند قاصي وداني
علي زميل الجود ويرافق الطيب=والمرجله قالت: بفعله كساني
علي نهل من صافيات المشاريب=من طيب جدانه بنى له مباني
اقرب لنا من مدة اليد للجيب=وابعد علينا من سهيل اليماني
انشهد ان الذيب عقب لنا ذيب=يوم الحصاني ينجبن الحصاني
عساه يرحم والدك عالم الغيب=ويصير منزاله وسيع الجناني
والمعذرة ان كان في القافيةعيب=الشعر يعجز عن وصائف لساني[/poem]
[align=center]ابراهيم بن فالح العقيص (ابوفالح)[/align]