اقتباس:
المشاركة الأصلية كتبت بواسطة مـلاك
 *بعد قرار الملك عبدالله حفظه الله,لاتقلق عند مشاركتي في مجلس الشورى راح ادعم افكارك وبقوة |
اتفقنا وعسى الأضواء ماتلهيك عنا مثل ما سوت بنوره الفايز
اقتباس:
| يمكن هالأفكار تكون عندهم,ولكن مصالح بعض الأنفس المريضة تقف ضدها لكي لا تخرج إلى النور.ومتى ماوجد من ينتقد ويقترح ويطالب فلابد ان يحدث التغيير.. |
وبعضهم ماله اي مصلحه ..
رجل امين ما يخش جيبه ريال !
بس يعانون فوبيا التغيير !
حتى لو مجرد نموذج على ورقه مايرتقي لدرجة النظام والقانون ما تقدر تغيره .
مثلا نموذج حصر او اعداد على سبيل المثال .
وبعضهم أدهى وأمر وقمة المصائب !
بعضهم ما يفهم خير شر !
مثال صغيرون ..
من وحي الطبيعه والواقع !
حنا نطلع تصريح لمحل صغير
في بلد "أ"
ونفس المحل تفتحه
بلد"ب"
تجد الشروط والتعليمات غير !
وصعوبه أكثر وأكثر
تخليك تبطل تفتح محلك
وسببه ان تعميم يصدر لتنظيم معين ..
ثم بعده يصدر ألف تعميم ينقضه ..
يصر ويستكبر يمشي على القديم ..
هذا مو عطل مصالح الناس بس ..
الا أحرم البلد التطور والجمال ..
واتخيلو عاد مواطن بمعروضه ويبغى حقه !
ويرفض المسئول !
لما يبرر رفضه وش يقول ؟
انه حسب التعميم رقم وتاريخ المبني على رقم وتاريخ
فان طلب المواطن مرفوض ..
يعني موثق وماشي بالسليم ولا عليه من أكبر شنب
او يُخيل اليه انه كذلك ..
لما يوصل خطابه لأعلى ويقرا البابا الأكبر كلمة رقم وتاريخ
فالبابا خلاص كأنه شاف كلمة آية كذا من سورة كذا
الله لا يوطرزلك .. المدير ماشي عتعميم من ايام الغظاره
مادرى ان حضرة المدير كاتب ايه من سفر التكوين مو من القران !
والله مايفرق بين القران والتعميم ! عشان يقدر يفرق بين التوراه ومعلقة زهير
ما علينا
عاد وش يرد المسئول الكبيرعلى خطاب المدير بعد رفض عرض المواطن ومعروضه ؟
يكتب عباره تنفض أسس الآدميه من الانسان ..
يكتب
" يُفهم المذكور"!
يعني المذكور اعزكم الله ميح ما يفهم ؟ طيب اللي مايفهم ماله إسم؟
عباره سادية تخزي صاحب الطلب ..
الحين تبغيني انتي وفلنتير اروح أعرض؟
الرجال بحقه ما عرف ياخذه
والمسئول وعزة جلال الله ما قصده يظلم او يسرق
بالعكس امين وما يخش جيبه ريال!
بس "مايفهم"
بلد لا زال يؤمن بـعبارة "يُفهم المذكور" ما رح اعرض له !
لين اسمع ان مسئول أكبر كتب لمدير "يُفهم المسئول" ! يعني قال بيخسرون اذا ما عرضت هههههههههه خلاص خذوها واعرضوها ودي اقنص ماصار غلا ياعشماوي هههه
دمتي بود