والله اشتقنا يامصر .. اشتقنا ...
الله ينعم عليها بالامن والاستقرار في ظل الحريه
ويبعد عنها كيد الخونه يارب ..
بالنسبه للغلا عندنا هو من صنع ايدينا .. وبمباركه القائمين على القانون ..
مكافحة الفساد واسمع جعجعه ولا أرى طحنا !
قوانين العمل والعمال ياليل ماطولك !
والسعودة لا تشكي لي ولا ابكي لك !
هذا احنا في اليوم والوطني
فرحانين فرحه الله يديمها بعز ابومتعب
لكن
اتحدى محل تجاري عندنا حط كرتون مويه
على باب المحل حتى مو عصير ولا حلاوه
مويه بنص ريال ووزعها فرحه وفراحه !
عارفين ليه ؟
لان المحل لأبو براطم ابن مزيت شعره
والسعودي لوحه !
جاي عشان نعطيه راتب .. بقدرة قادر هو يعطينا راتب !
احتكار كبار التجار للسلعة
و سيادة الاجانب للمحلات الصغيره
كانت كالمطحنة للمستهلك !
فالاجنبي لايشعر بنا ..
وكبار التجار ليسو في البلاد فكيف بهم يشعرون بنا !
والقائم بأعمالهم "عقاله على رقبته""كرفته" !
بطريقه ملتويه "أجنبي"
في رأيي نظام الجمعيات التعاونيه اعتقد انه سيكسر كثير من هذا التلاعب ويكسر شوكة الاجنبي ويحقق سعوده مثيره !
ماذا لو كان هناك شركه مثل الاتصالات وغيرها
ولتكن
"الشركة السعودية للجمعيات التعاونيه " شركة سعودية مساهمه ؟ اساهم فيها انا وانت وانتي بدعم حكومي رئيسي
تبدأ في المناطق الصغيره وتكون مقياس حي للأسعار في حالة التلاعب !
لها تصميم واحد .. وفروعها المصغره داخل الاحياء لها نفس الشكل بحيث يسهل الوصول اليها وتتيح الاخذ عالدفتر .. لاننا حنا نموت بدون دفتر هههه
على غرار كارفور وهايبر .. فقط يكون شركة قوميه
وبداخله فروع للمنتجات العالميه ماذر وفاذر وبوينت وماكس والشفتشي والملون والمقمر .. يعني ماكو عذر .. وطنك ياوكيل الماركات بتخدمه بالتي هي احسن وبطل وطنيه عشان وصول لمجلس بلدي او شورى وبعدين يسحبوا علينا ..
وبعدين تقدر تسيطر على انك تسوي سوق للحريم
وتفتح باب رزق للسعوديات ويشتغلن براحتهن بزاويه اومبنى مستقل وتحرم اليماني والهندي من عرض الجينز ووصف محاسنه .. وما يقرب منه ابوقذيلات وجوال وطيحني لو يتقطع .. ويسوون اغراءات لأصحاب العلامات التجاريه انهم ينزلون سلعتهم فيها ..
وحتى محطات الوقود وملحقاتها تقدر ارامكو تتولى أمرها وتخليها برضو شركه مساهمه وتنظمها لتقدم خدمه حقيقيه بكافة ملحقاتها بما فيه الاستراحه .. وتكون بطراز موحد وكمان اللي يشتغل فيها سعوديين بنظام الورديات لأن الحقيقه تقول ان محطات الوقود بوضعها الفوضوي الحالي تنتج ذهب وعيالنا اولى به !وبكذا وضفت كثير من الشباب الهايت واشغلتهم وتبقى الشغلات الرخيصه حلال على ابو براطم ابن مزيت شعره .. بنشر غيار زيت ونظافة شارع !
اما بقية الشغلات الفنيه واللي تحتاج لمهارات
تتهيأ لين يتهيأ لها المهارات عبر المعاهد الفنيه
اللي والله مالها اي دور في العمل اليدوي ..
وهو معذور طالما ان عمه بيصير هندي او تركي !
المسأله ليست بتلك السهوله .. قد يكون هناك ما هو افضل ..
فقط من
"يجرؤ على اتخاذ القرار"
حرام غير يخربوه مثل ماخربو سوق الخضره لما كانو بيسعودوه .. لكن العمليه كانت عشوائيه وكانت مجرد تنفيذ فكره "دون كيشوتيه" فقط للتاريخ وسرد المآثر والانجازات !
كذا قدر تحصر المتناثر .. وتكون قوه .. وتوظف سعوديين وسعوديات على كيفك وبرواتب وبنسبه وبالطريقه اللي تبي ..
العجيب والعجيب على طاري وظايف الحريم ..
واحد جاني يشكي .. يقول ياخي البنك اللي عندنا
يقول غير الحرمه تجي عشان الرقم السري حق بطاقتها !
وما فيه عندنا فرع نسائي الله يخسهم !
وهو يتشكى دق جواله .. واستاذن
قلت له وين ؟
قال بجيب اهلي من السوق ..
قلت له هو فيه فرع نسائي بالسوق ؟؟
يلعن ام الانفصام..يعني اللي بالبنك لو انه موظف هندي ماكان عنده مشكله بالفرع النسائي !
نرجع للغلا احسن ؟ ههههههه هو باقي كلام ؟
ناموا احسن مع العشماوي ..
لا باقي شوي..
اسئلو اصحاب مزارع البرسيم من اللي يشري محصولهم السنوي وهو مزروع ؟!
ويحجزوه لين التبانيه ام عشره تصير بثلاثين !
وبكذا الغنم تغلى ..
المشكله السمن بميه من عهد قارون
وان زاد زاد عشره .. مدري ليش السمن انفصل عن سعر العنز ههههههههه يمكن له في تنك العافيه !
المهم العشماوي يون ..
ونا اغرد هههههههههه
والصلاة قامت ..
ولا كان كملت
تلقو خير .