ياناشدٍ عن الرجال وذيك العوايـد
عن أسود الصيد ذرفيـن الايمـان
هاك الرجال عز الوفـا والرهايـد
طاب ممشاهم مادنسه زورٍ وبهتان
هم كنوز العلم وهم اهـل الروايـد
من بحورهم ياتيك الفتى عطشـان
مروين شـذرة السيـوف الهنايـد
تاريخهم ما طوحه زمانٍ ولامكـان
هل الصولات والقولات والعز زايد
حي هاللحى من تنخاهاماهوبندمان
مثورين البندق مبرميـن الزنايـد
فوارس البيـدا مكرميـن ضيفـان
هم للشجاعة والمناعة والكرم شايد
سبحان من زادهم بالذكر سبحـان
وبعض الرجال علومهـم سهايـد
كبيرهم مشتـاخ بالعـود طربـان
عوقه لامسره ولامبدى ولا فوايـد
جفعه وبخلـه مصاصيـن ذبـان
يسرون بهالليل ينظمـون القلايـد
محلقين اللحـى متبعيـن نسـوان
ولا جا النهار مكبريـن الوسايـد
ولامن لفا الضيف صمكوا بيبـان
فرق السما عن الارض فرق كايـد
بين هالحصني وبين الذيب سرحان
الذيب يسريبـه ادهـشٍ للمصايـد
والرخمه منتفـخ بالنـوم غرقـان
والنارمـا تعقـب غيـر الرمايـد
لبعضها وبعضها شبّـاب نيـران
يموت الفتى والذكر والطيب سايـد
ويبقى له على مر الزمن عنـوان
يالله لاتقطع نسلٍ للأ جـواد جايـد
وتجعلهم ذخرٍعلى الروس تيجـان
وســـلامـــتـــكــــم
الـشـريـفــة ســــــارة