بسم الله الرحمن الرحيم
السلام عليكم ورحمة الله وبركاته
الله يسعد مساكم وصباحكم بكل خير ..
بدون مقدمات راح ادخل بالموضوع اللي يهمنا كعائلة (ابوسالم) والأمل بالله عزوجل ثم فيكم يالوجيه الغانمه ..
حنا بصدد جمع معلومات عن عائلة ابوسالم اللي سكنت قلعة المويلح وعلى رأسهم المشير / حسين ابوسالم او عبدالرحمن ابوسالم (ماحنا متأكدين منهو بالضبط اللي كان بقلعة المويلح)
كان هالشخص مسئول في الجيش العثماني وكانت له السلطه في قلعة المويلح..
وعاش ومات واندفن فيها وله ضريح مشهور بإسمه.
استفساري حول :
منهو بالضبط اللي كان من عائلة ابوسالم في قلعة المويلح في عهد العثمانيين ، وكم عاش من الزمن فيها ، وعام كم مات ؟واسمه بالكامل ؟ولو في وثائق تفيدنا نكون لكم من الشاكرين .
والله الذي لااله الا هو ان موضوع العائلة واقف على اجابة هالاسئله لان مااخفيكم سرا حنا من قبيلة حرب ولقينا اساس جذرونا بالقصيم ولكن واقف موضوعنا هالاسئله مثل ماذكرت لكم ..
وانا هقوتي انكم ماتردون السايل وانكم تفيدون كل من استفسر عن سكان القلعه ؟
والله ان هالموضوع ضيق علينا وكربنا ..
يقول الرسول صلى الله عليه وسلم (من نفس عن اخيه المسلم كربه من كرب الدنيا نفس الله عنه كربه من كرب يوم القيامه) ويقول ايضا صلى الله عليه وسلم (ان امشي في حاجة اخي احب إلي من ان اعتكف في مسجدي هذا شهر)
ومثل ماتعرفون ...
الناس بالناس والكل بالله ..
والله يعينا واياكم وييسر أمر كل من حاول يساعدنا حتى لو بمعلومه ..
دمتم بود