يا رجا ل احنا في نعمه والله لايغير علينا غير بلخير
والسالفه اني سيرة البارحه على منتدى (قصيمي نت) قلت اشوف اخبار الشعار 0 وياريتني ماروحت ولاقريت ولاشفت
شعار اثنين في ملعبه وعقب ما تسري العالم تسير مذبحه بين هلشاعرين وحتى الابرياء ما تسلم منها ولاسباب طبعا كل واحد وده يكون الشاعر اللي سرى قبيله ولوكان ذلك على حساب اشياء مالها علاقه باللعب والشعر 0
وشوفوا الفرق ويعلم الله اني اذكر الكلام اللي ودي اقوله كانه اليوم 0
في مقنا ( بلد في الركن الشمالي الغربي للسعوديه)
وفي مناسبه حضرها الوالد والعم محمود ابوحسبو وسلامه بن هديه عليهم الرحمه جميعا وعلى اموات المسلمين 0
وزانت الملعبه وانحبكت الصفوف وقال الوالد هذا البيت
انا بسال الحربي عن الزورق الطواف 00 دخل مينه البحرين ولا قصر دونه
وشالوها الصفوف وسرى الليل 000 وبعد شوي يتحرى ابوي الحربي يرد
ما فيه . أنتظرنا. أنتظرنا مافيه قال يابراهيم الحربي في الملعبه قلت ايوه
اشوفه 0 قال والله مدري 0وعرفت انا انه فيه شي من كلمه (والله مدري)
وكان لاقال هذه العباره اعرف انه بلشان في حاجه 0 وانا عيوني على الحربي الين ماشفته طلع من الملعبه وقلت:يبه الحربي طلع من الملعبه
قال: عرفت والله 0 لاحول ولا قوة الابالله 0
يله قال مشينا مكاننا ( جلسه اعدة خلف الملعبه زوليه ومراكي وحلوه ومره
وجالس فيها عم محمود وسلامه ) وجلس ( القرفصا) وقال يابو خليل يابو خضرى 0 والله العظيم الحربي ماسكت وطلع من الملعبه مهزوم
ولا ماهو عارف يرد 0 لالا 0الين ابو داخل ما طلع كذى انا اعرف الحربي
لو قدامه اربعه زيي ما اطلعوه ولكن الرجال فهمني غلط وسكت شيمه لي واحترام0 استكثرها مني وفضل الرجل السكوت 0 لكن ياسلامه عطني اذنك
يا بو خضرى وهمس في اذن سلامه بكلام لم يسمعه احد منا وقال يابراهيم
خذ عمك وده خيمه الحربي ومشينا له ولقيناه وكان مستلقي على فرشه خارج الخيمه وساند راسه على مخده وايده تحت راسه والثانيه فيها لي الشيشه وردينا السلام وفز يالله حيهم هلا اقلطوا قال سلامه يابوداخل انا مرسلينه عليك العماوي محمد احمد قال وينه قال موجود ورجعت انا شوي
عشان اعطي الرجال فرصه للهرج 0
ثواني ولاابو خضرى لاحق ويوم جلسنا في محلنا عند الوالد ولابو داخل جاي ويجي من خلف الوالد ويجلس ويظمه بيديه الاثنين ويقبله قال : ابوداخل قال الحربي : اييه يبوبراهيم قم يله الملعبه قله ابوي والله الليله مالي حيله يا بوداخل خلاص اخذة شفتي منها لاكن ان سرنا من اهل الدنيا
بكره 0 وفعلا ثاني ليله كانت من ليالي العمر
تذكرت هذا الموقف وانا اقراء واشاهد ما وصلت اليه حال بعض من ينتسبون للشعر والشعراء 0 ولااملك الا ان اقول رحمك الله يابو براهيم
وحبه خشم مني للشاعر الكبير عبدالله الحربي 0 مع علمي انها لن تظيف لقدره الكبير شي 0 وشفتوا الشعار كيف مشاعر قبل رص الكلام0 والسلام000000000000000