قصيدة أعجبتني للشاعر ضيدان بن قضعان .. بعنوان (حنا بدو ) من ديوانة المقروء (نسناس الشمال).. أتمنى تحوز على رضاكم واستحسانكم...
يلي على وجهي قريتـي كـل صفحـات الشقـى = اقري وأنا باكتب قصيدة واشعـل الساحـة حريـق
باقي كثر ما راح واللي راح نصـف اللـي بقـى = وان ما وصلت لغايتي با موت في نصف الطريـق
يابنت يوم امطر غـلاك بقلـب ضيـدان وسقـى = تدرين وش سبة شقـاه وسبـة الجـرح العميـق ؟
شقاه من يمنـاه واسـم الشيـخ والنفـس امحقـى = والجرح منك يا أعذب العذبـات يالمـوت الرقيـق
يا بنت ما دام البـدو تخلـف هقـاوي مـن هقـى = وانا بدوي مني يشيل مـن الزمـن مـا لا يطيـق
ابفتخـر حنـا بـدو نعشـق علـى وضـح النقـا = حنـا بـدو فينـا الولـد للقمـة العليـا عشـيـق
حنا بدو فينا الولـد لـو شـاف موتـه مـا أتقـى = حنا بـدو فينـا الولـد يرقـا ولـو مالـه رفيـق
حنـا بـدو فينـا الولـد لا مـن رقـا رقـا رقـا = الين يوصل غايتـه لـو كـان فـي قمـة طويـق
يابنـت جيتـك والثمـن عمـري ابـي ليلـةٍ لقـا = يما كـذا والا بـلاش مـن الصداقـة والصديـق
وساعة تبسمتي وشفـت الجمـر والثلـج اصدقـا = قلت أشهد أن الموت حق وصحت لك صيحة غريق
واعتقت دمعي والزعل والحـزن لرضـاك أعتقـا = وأغفت عيوني في عيونك يـا عساهـا مـا تفيـق
وامنت باللـي سخـرك تقريـن صفحـات الشقـا = واشعلت بردي في دفاك وشبـت الساحـة حريـق
مع التحية