هذه القصيدة اغضبت كل فتاة في السعودية
احببت ان اوردها لكم و كذلك الردود عليها __________________________________________ السلام عليكم ورحمه الله وبركاتة اسف على انقطاعي عليكم وراجوا ولاكن بسسب مشاغل الدنيا ونرجوا من الله ان لايشغلانى الى في طاعتة __________________________________________ وهذا تكملت الا موضوع __________________________________________ اغضبت كل فتاة في السعودية
احببت ان اوردها لكم و كذلك الردود عليها[/font][/size][/color]
.....................................
هاذي القصيده كتبها احد الشباب المغرمين بالمغرب
ياللي تنشد عن علوم الــــــذي طاف
...................................كل البحور وكل دوله وديـــــره
خذ من علومي علم اوصافه اوصاف
................................ جزل سمين يشتعل له ســوالله
الزين عقب المغربيات ينـــــــعاف
...............................غيد لهن بالزين ذكره و ســـيره
فيهن حلا طاغي ولين و تــــــعطاف
.............................. وفيهن حنان يشعل القلب غيره
حلوات وصف وفاهــــمات بالاعراف
..............................زينات منطق صافيات السريره
بنات قوم طيبهم غصــــــب ينشاف
........................... اولاد مغرب بالليل العســـــيره
ياللي تنشد عن علومي بالانصــــاف
...................... هرجي يكفي صامله عن كثـــيره
الزين في لميا وتغريد و الطــــــــاف
....................ماهوب في حصه و كشرة منيره
-----------------
الرد اللى يبرد القلب هذا هو
قال الذي في بدع الامثال صراف
..................................جزل يفرق بين درهم وليـــره
ياللي مدحت المغربيات بجـــحاف
............................الله يجيرك من عماه البصـــــيره
لو تعجبك لميا وتغريد والطــــاف
........................ مايصلحن لهل الوجيه الســـــفيره
مفصخات و لبسهم حـول الارداف
............................وبليس اغواهم بكشف الستيره
متعودات كلهم زيف وخفـــــــاف
..............................على التغنج والتعطف وغيره
كل يوم مع صاحب و لافيهم اعفاف
...............................خويهم اللي فلوسه كثيره
ترى البضايع عده اشكال و اصناف
.......................... وكل ينوخ وسط سوقه بوالله
عز الله ان الطيب في بنت الاشراف
................... اللي على الحشمه تربت صغيره
ولا تبين منها كود الاطــــــــــــــراف
...................... مثل القماشه فالبحور الغزيره
ياللي تدور بالجواهر و الاصـــــــــداف
........................الزين كله في بنات الجزيره .................................................. ...........................
وهذا رد لطلال الرشيد (( الملتاع )) .. الله يرحمه
يابن الحلال ان طعتني خل الاســـراف
.................. واترك جمال الغيد لاهل البصيــــره
الزين موبس في الملامح والاوصـــــاف
................ الزين روح وعفه وطيب سيــــــــره
مانيب من يهوى سريا وانصـــــــــــــاف
................. انا هواي وبس بنت الجزيــــــــــره
بنت الخليج اللي تماري بالاعــــــــراف
.................. وحنا نماري باسمها كل ديــــــــره
مالي غرام بقول وخا وبالـــــــــــــــزاف
.................. اذبحتني عند الطرحه المستديــره
احب قولة ياهلا وعل وماخــــــــــــلاف
.............. من بنت ثوبي بنت الارض النضيـره
اللي تحلاها الظبي حلو الاطــــــــراف
................ جمال في عفه ورقه وغيــــــــــــره
واللي بها سحر مهو سحر عــــــــراف
..............ياعل عين ماتراها ضريــــــــــــــــره
عطف وحنان وذوق في لين الاعطــاف
................. والا كشفت لثامها شفت أميـــره
صعب على اللي بالردي شاف ماعاف
................وحلوه على اللي سنه الله ضميــره
شمس الى من اشرقت والدجا طـاف
............. غابت نجومك غصب لو هي كثيــره
السيف مايزهى سوى كف سيـــــاف
.............. والخيل دون حصانها مستخيـــــــره
بس أنت دورلك على قدك لحــــــــاف
...............وان طعتني دور بدلنا عشيـــــــــره[/QUOTE]