يا شيخ ماهي مسألة شعـر وشجـون
هـذا مصابـي لا تظنـه مصابـك
مصاب كل اللي على الحـق يمشـون
لا ماابتدا فـي حضرتـك وإنتهابـك
إنتَ بطل .. في داخل قلوب وعيـون
تقرى مسيـرة مجـد داخـل كتابـك
أبسـط خسـاره : بالتأمـر يعيشـون
وأكبـر خسـاره للرياضـه غيابـك
لو هو تنافس وبشرف كـان يبطـون
مـا تنفـض يديـن النوايـا ثيابـك
صوابك إنك صـح والنـص يخطـون
وكان الخطاء : ليه يتمادى صوابك !!؟
مفتاح ما يركب علـى أي ( كالـون)
يا يلف هالمفتاح يـا نلـفّ بابـك !!!
فكره غبيه !! لكـن إبليـس ملعـون
ومن يرفض الفكره إذا إبليـس حابـك
والا الحقيقه واضحـه لـو يشوفـون
فـم الحسـد بوجيههـم لا حكـابـك
هلالهم ميّـل غـدى مثـل عرجـون
حسّ اليباس وشـاف جنـة شرابـك
ياشيخ .. بعض الهرج بالبال مركـون
إسمع جوابـي قبـل تعلـن غيابـك :
تدري نهاية كل بطوله وش تكـون ؟؟
نفس الذي حاصـل لحضـرة جنابـك
الرائع/احمد عائد البلوي