[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شيخٍ في حلقة ذكر / نـور و هدايـة="اجياد" والطـلاب مـن حولـه الـدور
متأدبـيـن فـحضـرتـه للنـهـايـة=كانوا/و كان..ومرت عصور وعصـور
قالـوا مجـاور/ معتكـف فـي روايـة=خاشع تصدع نور مـن خشيـة النـور
معـه علـى الركـن اليمانـي وصايـة=عينـه عليـه اليـا غفـا كـل مأمـور
وعمامتـه/ لعمامـتـه ذي حكـايـة :=رح وانشد التاريخ عن (كسوة) سـرور
كسـاه حتـى يعـرفـه كــل تـايـه=بعمامة ٍ صفرا لها فـالزمـن ......دور
مـن حـر مالـه نقـد ماهـي جبايـة=من سهم ابو عشرة والا اموال هامـور
كانـت ذوايبـهـا عـيـون الرمـايـة=من لهبـة أم اصبـع بهـا وأم ناظـور
قلعـة سـرور وباقيـة فـي حشـايـه=النـار والبـارود والبـرج والـسـور
وباقي عـزاوي اخـوان ريّـا ورايـهفـي داخلـي تميّـز بحـزن وتـفـور
بيشانهـم (لا لا ) الرجـز والحـدايـةلا راح طابـور ٍ ولا جــاك طـابـور
باقـي وباقـي عبـرةٍ مـن شقـايـه=والله مـا جحدهـا ولا تكسـر الـزور
ببكي وأنا اللـي كـم عصانـي بكايـه=ببكي الحصى بعض الحصى حس وشعور
وجهه تحـت ضـرب المعـدات شايـه=واسمع صريخه في الجنازيـر مذعـور
طاحت عمامـة شيخنـا / قـل: كفايـه=لا / شفت قلب الشيخ ينقـب ومفطـور
يمكن مية قامـة مـن السطـح جايـه=في العمق نقب ارتالهـم مالهـا سـور
أشـلاء شفتـه والتفـت مـن ورايـه=يا قلعة "الهندي" تـرى جايـك الـدور
وجبل عمر فـالغـرب جـاذب اسايـه=كنّـه بكساراتـهـم وجــه مـجـدور
يـا ثـورة الأسمنـت كنـت جنـايـة=ما عاد باقي لي مـن الماضـي جـذور
يا الركن من يجبـر عـزاك وعزايـه=أحس كـن الأرض مـن تحتـي تمـور
مكة ويـا اطهـر قـدم قـل معايـه=داست ثرى / صار الثرى:مسك/كافـور
واللي خلقنـي: استحـي مـن خطايـه=تدوسهـا وأنـا الـذي أثـم و شـرور
لو أمشي على راسي بها مـن غلايـه=أحسنـي معهـا مقـصـر ومـغـرور
وجبالهـا قـل مبتـدا قــل نهـايـة=انشد حراء ينبيـك وانشـد جبـل ثـور
واستفسر ابو قبيـس عـن نـص آيـة=قل: يا جبل كيف القمر راح مشطـور؟!
مكـة مهـي مجـرد سفلـت وبنـايـة=مكة مهي شاطئ الفجيـرة والا الخـور
مكـة مهـي استثمـار دنيـا لغـايـة=مكة ثمـر طاعـات لحسـاب موفـور
مـكـة و ضفيـنـا بـكـم العبـايـة=حنا سخينـا فيـك يـا مشـرق النـور

الشريف طلال بن نايف [/poem]