[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بعـض العـرب حـبـه يــوردك الجـنـون =ولا يـوصّـف لــه غـــلاك حـكــاك لـــه
ما يقنعـه وصـف الغـلا لـو وش يكـون= لـو كــل حــرف ٍ بالحـريـر يـحـاك لــه
الـمـوت جــاك وهــو تقلـبـه الـظـنـون =ولا لك الا الصبـر ( وش وداك لـه ؟ )
ان قـلـت ضـايـق قــال هونـهـا تـهـون =مـا يـدري ان ضيقتـك لـه وبـكـاك لــه
تقـعـد تحـبـه وانــت سـاكـت ومغـبـون= يمـكـن بـيـوم يــدال لـــه مـنـفـاك لـــه
و كانك مشكك هو يمـون او مـا يمـون =تخـيـل ان عـفـت الصـبـر فـرقـاك لـــه
غـلاه مـن فـوق الغـلا مـا هــو بــدون =و حـكـاه سمـعـك يجـبـرك بـرخـاك لــه
ودك تحـطـه بالـعـيـون مـــن الـعـيـون= وتبسط علـى رمـض الثـرى يمنـاك لـه
و تظله مـن الشمـس فـي ظـل الجفـون= ولا يـمــر اذنـــه ســـوى لـبّّــاك لــــه
و تسـج مـن غيـره لـو انهـم يـذكـرون= ومنيـن مـا سجـت الـقـدم ممـشـاك لــه
غـرون ٍ يميلـه التـرف ميـل الغـصـون= غـصـن اللـيـان ومكـرمـه بشـقـاك لــه
وجديلـه لا اقـفـى سـتـر مـنـه المـتـون= كـنـي بريـحـه لا التـفـت بـدعــاك لـــه
كيك وعسل . . لكن ماهو فـي صحـون =و دعاك مـن عيـن الحسـود غطـاك لـه
الله لا يـعـطـيــه نـــــاس ٍ يـنـظــلــون= ويسـتـر علـيـه مــن النـحـل لا يـاكـلـه
الوصـف والتعبيـر فـي وصفـه يـخـون= غيـر اطلـب الله يستجـيـب دعــاك لــه
و عــذال قلـبـك فــي محبـتـه يـهـبـون =سكينـهـم عــن قـطـع حبـلـه حــاك لــه
ناس ٍ عن اعراض العرب ما يعرضون= دايــم عـلـى نـفـس الشـكـل والشاكـلـه
الـلــي مـــن لــحــوم الأوادم يـاكـلــون= وحـلـوقـهـم دفــــع الــبــلا مـتـواكـلــه
فـي سلمـهـم اولــى بـالأكـل الأقـربـون= وأطيبـهـم الـلـي صيـدتـه شـكـواك لــه
يدعيـهـم الشيـطـان لـلـذنـب ويـجــون =هــــذا يـقــطــع لـــــه وذاك يـواكــلــه
ياجعلهـم فـدوة ثــرى الـغـض الفـتـون =اللـى علـى الـدرب الطويـل إخطـاك لـه
طيـفـه الا نــام الـبـشـر زارك بـهــون= وطيـفـك الا نــام البـشـر ســـرّاك لـــه
حبـه دفــان ومقـبـره خـضـر الطـعـون= بـيــن الـعـظـام الـعــوج كـنــك نـاكـلــه
الـلـي كــذا حـبـه لــو تـمـوت مـغـبـون= ولا لك الا الصبـر ! ( وش داك لـه [/poem]