مهني ندم

[ابو فايز]

استطراد للموضوع اللي فتحه الوافي ووفاء بالوعد اقول
جيت مره اسلم على العم عبد الرحيم عليه رحمه الله وكان جالس هو والاخ
ابو محمد وبعدين سحب لي ابو محمد من وسط بوك ورقه واعطانياها واذا مكتوب فيها 0
من امس جالسين انا وعمك نتحراك 0 ما جيت يابن العم وانت منا قريبي
جتنا علومك يافتى الجود يمناك 0 يالله عسى دايم هدافك تصيبي 0
وقلت :
حي الجواب اللي لفاني بيمناك0 يا فرخ صقرحر جده عريبي
انته تحراني وانا با تحراك 0 ع حر من جمرا غضاها لهيبي
اشوة معاليقي وفيها الفكر شاك0 شرارها منها الشبيب يشيبي
شانت مشاربها وياشين لاجاك0 شينه منللي شايله لك حبيبي
ومهني ندم لاصار ع الصدق ممشاك0 ان جا هلا وان راح ربك يجيبي
يالله عسانا يا علي لا عدمناك0 يا منوة اللي بالليالي نشيبي
تمشي لك الاقدام لوطال مسراك0 لون القدم حافي ودمه صبيبي
كلا رفع راسه ليا حل طرياك0 احنا عيال العم واللي نسيبي
يعجز لساني عن تواصيف شرواك0 من طيبتك حتى ردانا يطيبي

[المويلحي الصغير]

المشاركة الأصلية كتبت بواسطة ابو فايز

يالله عسانا يا علي لا عدمناك0 يا منوة اللي بالليالي نشيبي
تمشي لك الاقدام لوطال مسراك0 لون القدم حافي ودمه صبيبي
كلا رفع راسه ليا حل طرياك0 احنا عيال العم واللي نسيبي
يعجز لساني عن تواصيف شرواك0 من طيبتك حتى ردانا يطيبي

الله يسعد مساء الجميع بالخير.اخوي ابوفايز صح لسانك وماعليك زود والله انك مميز.الله يوفق الجميع

[وكيل المويلح]

انته تحراني وانا با تحراك .. ع حر من جمرا غضاها لهيبي

ياليت يابوفايز تفسرلنا هذا البيت ولا تقول المعنى ببطن الشاعر

[ابو فايز]

انته تحراني وانا باتحراك 000 ع حر من جمرا غضاها لهيبي
يا وكيل المويلح الله يصبحك بالف خير 0
يقولوا0 من اصعب المهمات تفسير المفسرات0
ولازال المعنى في بطن الشاعر ولكن شرواك يطلع له اللي في القلب واللي في البطن واللي في العروق0
يقول ابو محمد في قصيدته انه جالس من امس يتحراني هو وعمي الله يرحمه0 وانا الحقيقه كنت اتحرى ابو محمد من قبل ولكن علمي بان ابو محمدغالبا لا ينزل الا خميس وجمعه لم اتوقع نزوله في وسط الاسبوع
في الوقت الذي كنت انتظر حضور ابو محمد على احر من الجمر ولعلك جربت الانتظار على الاقل في مطار الرياض0 ومروري كان للسلام على ابو علي عليه الرحمه ولم اكن اتوقع وجود ابو محمد0 وانا كنت انتظر
حظور ابو محمد من اسبوع مضى 0 كما اود ان اشير الاانه قلت في سياق
السالفه ان ابو محمد اخرج لي الورقه من البوك ومدها لي 0 وهذا يفيد انه
يعرف انني انتظره 0 ارجو ان لايكون السؤل الثاني كيف عرف وتحياتي...

[وكيل المويلح]

أجابة دبلوماسية للغاية

[ابو فايز]

والله ياوكيل المويلح واضح انك لازال عندك شك في كلامي وعلى العموم
هذا البيت بالذات لايحتمل تفسير غير الذي ذكرته انا 0
وانا اقبل من تقبله انت من الاعضاء الكرام للفصل0 او سؤال الاخ ابو محمد وانا على يقين انك تجد الاجابه000

[الليث الأبيض]

اشوة معاليقي وفيها الفكر شاك0 شرارها منها الشبيب يشيبي
شانت مشاربها وياشين لاجاك0 شينه منللي شايله لك حبيبي
ومهني ندم لاصار ع الصدق ممشاك0 ان جا هلا وان راح ربك يجيبي
(شينه منللي شايله لك حبيبي )
( ان جا هلا وان راح ربك يجيبي)
(وانت منا قريبي)
0(جتنا علومك)
(هدافك تصيبي )
(المعنى في بطن الشاعر ولكن شرواك يطلع له اللي في القلب واللي في البطن واللي في العروق0)
(ولكن شرواك يطلع له اللي في القلب)

وين الوعد ياشاعراً صابه ارباك
وانته تقول اطلعلك اللي بقليبي
وتبى العلوم تجيك اعلومنا اعفاك
احذر تقرب من مقص الرقيبي