احدى قصائدي ان شالله تعجبكم وكل عام وانتم بخير
***(((((( أحب الشّعر))))))***
أحب الشّعر لاابيعه ولا اشري به
وأقول الشّعر ولا ارخص معانيه
على كيفه يجيني ولا أجيبه
يمون الشعر وأنا انظم قوافيه
أقول الفخر ثوبي وأنا ازهي به
يقول سمّي لك الفخر أوله وتاليه
أنا شعري كما البندق أرمي به
أقن الهدف وأنا ساره ولا أخطيه
يسري بي الهاجس وأنا اسري به
ويلقاني على قصر الشرف والاقيه
أقص المعاني قص تقل ذيبه
يجود القصيد مني حاليه وغاليه
وأعد العلوم الثقال اللي بها هيبه
بميزان العقل يراعيني واراعيه
علوم الشرف والكرم والطيبه
سلوم الرجال اللي ترقى معاليه
كلامٍ يجيب النقص ويشلي به
لهو دلي ولا اخذ به ولا اعطيه
ذا قصيدي لامن نسنس الهوى جاني به
هواي الشرف هو عانيه واناعانيه
وسلامتكم
الشريفة سارة
***(((((( أحب الشّعر))))))*** 
العرض العادي
