السلام عليكم ورحمة الله وبركاتة
أسعدني أنضمامي لمنتدى المويلح
وهاذي أول مشاركة مني بقصيدة لوالدي حفظة الله
[poem=font="Simplified Arabic,5,darkred,normal,italic" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black"]
يا عبيد ياصقرا ً على كف راعيه = ياعبيد لك عندي وصاة ً جسيمه
الاوله ياعبيد فرضك تصليه =ياعبيد وين اهل الرسوم القديمه
لو طال عمرك يعلم الله بقافيه =عن هادم اللذات ماشي هزيمه
لابد عملك بالموازين ترعيه =خيرا ً وشر وكل شي ٍ بقيمه
والثانيه شي ٍ تسرك معانيه = اهو الكرم واقطع حبال النميمه
وبيتا ً بليا ساس ماينزل فيه = اليا وطاه السيل جاله صريمه
والثالثه شر العرب لاتباريه = الفت عنه ياعبيد لو في هشيمه
وراع الطلب يبني على قد مافيه =ادخل عنه ياعبيد واصله بشيمه
اللي يعرف الحق ياعبيد يكفيه =ومن لايعرف الحق مثل البهيمه
وخطو البناخي يرتفع عن بناخيه = رفعان قرش ويحسبنه غنيمه
ومن دابر الدنيا وهي دابرت فيه = لابد من مر اليالي ضهيمه
ومن لايرد الراي لك لاتراييه =لاتاصله لو ان دمه بديمه
وارع الولد يبني يحري حراويه =ان كان مايمناه صارت عديمه
عمه وابن عمه ومايتصل فيه = ضيفه وجاره وان توفق رحيمه
هذي وصاة ابوك لابنه يوصيه = والعمر فاني والليالي مقيمه[/poem]
الشريف سالم بن حمد العياشي
العرض العادي
