مراسلات

[ابو فايز]

[align=center][poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اكتب وخطي له قوانين واثبات=واقيس هرجي بالفكر قبل اقوله
تفنى رجال وذكرها حي مامات= بيت الفخر ماكل يمنى يتطوله
فتشت في كتاب الفخر والمروات = لقيتكم ساس الفخر والرجوله [/poem]

هذة الابيات حملتها رساله الاخ الكبير علي مغفوري غروي 0

وارسلت اليه الابيات التاليه :

[poem=font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما ينقصر دونك ولا عنكم فات =فاظت عليكم ظا فيات سيوله
(عم) قريتوها وناس بغفلات= مستنبطين احكام فقه واصوله
اصلب من الصوان وانعم من القات=انتم تمام العام واربع فصوله [/poem]

فارسل التالي :

[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اقسم قسم من حد حايل للاتراك= ومن الخبر واللي سكن وسط جده
انه يهز القلب ذكرك وطرياك= ويفز فزة حر راعيه هده
هذي علومي واكثر العلم ماجاك= شي بقلبي حير الفكر عده[/poem]

وارسلت اليه الرد التالي :

[poem=font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله يحيي ساعه تجيب شرواك = الباب دونك فاتح ما نرده
ان غبت عن عيني على البال ذكراك= ماود قلبك غير قلبا يوده
امر تدلل لو تبي الروح تفداك= مد اليمين الله يحيك مده
انا عصاك اللي اذا قلت معصاك= وانا عصب صلبا لصبك يشده[/poem]

وارسل الابيات التاليه :

[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
دايم على بالي ولا يوم ناسيك=وانته لزيم الروح واكثر شويه
بدرب المعزه اشهد اني مخاويك = واخترت شخصك بين كل البريه
الله يعلم بالغلا كثر مغليك= دايم مكانك بالشموخ العليه[/poem]

ورديت بالابيات التاليه:

[poem=font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كلا على درب المصادف يلاقيك= ارض وسيعه بخلقه الله مليه
تشوف منها والليالي توريك= شي جديد وشي ماشفت زيه
صافي وداد القلب مافيه تشكيك= لاصار قلبك هو منقي خويه
لاجيت هلابك ولا غبت يبكيك= راعي الدلال الصفر والنار حيه [/poem]


وسلامتكم 00000000000000000000[/align]

[ابوفالح]

[align=center]صح لسانك يابو فايز ولسان صديقك .. مراسلات اخوانيه تعبر عن مدى قوة صداقتكما ووفاءكما ..

ارسل لي صديقي واخي / نايف بن شاعي العتيبي هذة الابيات

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احسن لي انسى اللي مضى والذي صـار=صفحه من الحرمـان بكتـاب تطـوى
مالـي ومـال انسـان خايـن وغـدار=ياعيـن لا ترجيـن للغـدر رجــوى
من روضة الفرقا قطفت اجمـل اعـذار=ذكرى اعيش ابهـا جمالـه ورضـوى
واللي سلب ليلاي مع سبـق الاصـرار=ما اسمع لعصفوره على الغصن شدوى
انـزح عنـه وابـدل الــدار بـديـار=فيها عن اهل الزيـف والغـي سلـوى
سره دفنته مـا ابـي كشـف الاسـرار=يبعد رجوعه مـا لـه ايـات جـدوى
وآخر علاج الكـي مـن واهـج النـار=بلسم عـن الاحـزان وايـات عـدوى
صحيح احبـه واحفـظ الحـب واغـار=لكن على حده طغى يابو فدوى[/poem]


وكان ردي :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

لاتطرد المقفى ولاتطلـب الثـار=واللي كواك اليـوم لابـد يكـوى
سيف الخيانة سيف قاطع وبتـار=جرحه عميق ولاتداويه شكـوى
وانت الخبير في دنيتك سر وجهار=واكيد مثلـك للطواعيـن يقـوى
روحك غريبه ماتبي غربة الـدار=لو يثمل ال.... مااظـن يـروى
قبلك مضالي بالهوى دور وادوار=حتى حلفت اتوب ياخوك مااهوى
مثلك نعيش العمر يانايف احـرار=الذل مانرضـاه ياطيـر شلـوى
اضحك وخل الغير بالوضع يحتار=وغن لتبوك الـورد ياذئب صفـوى [/poem]
هامش على الهامش
ابو فدوى : فدوى اسم ابنتي ( اصغر من فالح )
صفوى: بلدة بالمنطقة الشرقية حيث يعمل نايف[/align]

[ابو فايز]

[align=center]صح بدنك يابو فالح 00
وصح لسانك وصح لسان الاخ نايف 0000 قصيد رائع 00 الله يذكرك بالشهادة

[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ذكرتني بصفوى ورضوى وراس تنورة=اما رحيمه رحيمه قول وافعالي
مد وشجر منقروف وتبات محشورة =اسماك للي اتكل على الواحد الولي
ماهو على كيفها لاشك مأمورة= حتى يعلم عبيده كيف تحتالي[/poem]

والله يحلي ايامك يابو فالح[/align]

[volunteer]

[align=center] ((مراسلات))

عنوان جميل ..

وممارسه بإتقان لفن من فنون الأدب الأصيل

[/align][poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اقسم قسم من حد حايل للاتـراك=ومن الخبر واللي سكن وسط جده
انه يهز القلب ذكـرك وطريـاك=ويفز فـزة حـر راعيـه هـده [/poem]
[align=center].
.
تستاهل اكثر .. يابو فايز ..


والله يديم المحبه[/align]

[volunteer]

صح لسانك يابو فالح ولسان خوّيك العتيبي
.
.
.

والعتيبي "ذهين" عرف لمن يرسل .. للي يبرد "الكبد" .. كلامه




الله يحفظلك فدوى وفالح ويصلحهم

والله يديم المحبه

[ابو فايز]

الف شكر على مرورك يابو سارة 000 تحياتى وقبلاتي الحارررررررررررررررررررة
لهههههههههههههههههههههههههههههها0

[القسطل]

طيب وين القصيده ما شفناها التعليقات فقط ظاهره ولا ايش ؟!!

[درباس]

صح السانك يا شاعر الموقع وصح لسان رفيقك

ولاهان اخونا ابو فالح وصاحبه