[poem=font="Arabic Transparent,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اهلأ هلا يـا جـرح دقّيـت بابـي=تفضّل ومـا مـن غريبيـن يمّـي
هذي تناهيـدي .. وهـذا عذابـي=والشايب اللي مرتكـي ذاك همّـي
عفواً .. نسيت آعرّفك في جنابـي=أنا الحزينه بنـت همّـي وغمّـي
إجلس على قلبٍ من أيّـام طابـي=وخذ راحتك والبيت بيتك .. ياعمّي
تفضّل إقدع مـن ثمـار اكتئآبـي=وسمّ وتقهوا مـن فناجيـل دمّـي
وإشرب من دموعي بكاس اغترابي=وسولف على كيفك ليا طاب ذمّـي
وأقطف من ايّامي وزهرة شبابـي=في كفّك اللي لا ذبـح مـا يسمّـي
أنا رويت بجيّتـك مـن سرابـي=والاّ الزلال إليـا شربتـه يضمّـي
لا كيف ولاّ كـم .. بـدّد صوابـي=لا يشغلك يا جـرح كيفـي وكمّـي
ذا عقدي الثالث بدا وانتهـا بـي=واذا انفرط عقد العمر مـا يلمّـي [/poem]للمبدعه : جاذبيه