قالوا العذبي حضر

[القلعة]

الله يذكر بالخير يالشريف العذبي طولت الغيبه ويشهد الله اني فرحت لما شفت اسمك
بالمنتدى0 ويقول الاولين على وقت الرسائل والجوابات انها نصف المواجهه وانا اعتبر
وجودك بالمنتدى مواجهه كامله على امل اللقاء0


[poem=font="Simplified Arabic,4,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قالوا العذبي حضرقلت اهلا هلابه= حضوركم فخرا لنا والعالم الله
يا عسى ماشر طول في غيابه =ناوي المسفار اصله في محله
انت وشرواك للاشراف لابه=عز الله كسب من انت عزوتله
اه من وقتا بدء ينعق غرابه= وفي كثير من الامور اشوف خله
عطني اعلومك ياوجه القرابه= قبل اني اعتزل النت كله
انت تعرف عقاب وش سبب عذابه = حل اللغزيابن العم حله[/poem]‏

[معالينا]

[align=center]ايو والله للعذبي حضور مو بمثل كل الحضور .. النفس الطيبه والعلوم الزينه .. يستاهل الترحيب والفرحه بحضوره .. [/align]

[ابو فايز]

قالوا العذبي حضرقلت اهلا هلابه000 حضوركم فخرا لنـا والعالـم الله
يا عسى ماشر طول في غيابـه 000 ناوي المسفار اصله فـي محلـه
انت وشرواك للاشـراف لابـه 000 عز الله كسب من انت عزوتلـه
اه من وقتا بـدء ينعـق غرابـه 000 وفي كثير من الامور اشوف خله


الله الله الله

صح لسانك يا بو محمد
وأخونا العذبي يستاهل
ولا عدمناك ياراعي الوفاء

[الشريف العذبي]

[align=center]الاخ الكريم

القلعة

الله يعطيك العافية

وصح لسانك ياجزل

ويعلم الله انك غالي وان اهل المويلح كلهم غالين ولهم قدر وحشمة وحب واحترام وكبيرهم اعده عم واخو كبير وصغيرهم اعده اخو وولد اخو

اما بنسبة للغيبة فكانت للزواج وانت تعرف الزواج وترتيبه ومشاغلة ولكن اول وتالي المنتدى منتداى واللي فيه ربعي واهلي

واسمح لى على التأخير في الرد

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامرحبا باللي لفاني كتابه= عداد ماهلت مزونٍ مظله
وعداد مانبت الزهر في شعابه=وعداد مالعفري يجفله ظله
وليا عوا ذيبٍ عوت له ذيابة=حتي يلج بها الفضا حشمةٍ له
واللغز دونك يالمويلح جوابه=لو هي تنفّخ في زمنّأ لهله
الوقت واحد والليالي تشابه=ودستورها لاماغدى فيه خله
حنا سبب جور الزمان وذهابه=ولا في الزمن غير المخاليق عله
اقولها والقلب متلف صبابه= على وليفٍ في المحاني محله[/poem]
وسلامتك

تراني حاولت اترك البيت الاخير بس ماقدرت

كل الاحترام

والسلام[/align]

[ناصر]

ألف ألف مبروك والله يجمع بينكم بالخير ويرزقك الذرية الصالحة

ماشاء الله طالم فطاحلة المنتدى يرحبون فيك فهذا يدل أكيد على مكانتك وطيبتك وتألقك

صح لسانك ولسان ابو محمد

ومتشوق لمشاركاتك يالغالي

تحياتي

[عز الرهيد]

ألف مبروك يالعذبي وبالرفاه ةالبنين

[ابوفالح]

اقولها والقلب متلـف صبابـه
على وليفٍ في المحاني محلـه

[سليل المجد]

ألف ألف مبروك والله يجمع بينكم بالخير ويرزقكم الذرية الصالحة
ونور المنتدى بوجودكم وابومحمد الله يحفظه يفقد النشاما الطيبين
مثلك اخي العذبي فا اهلاً بك وبعودتك

[ابو فايز]

والله لو ماهو هذا عذرك كان لمناك لكن وش نقول الا الف مبروك ياالشريف العذبي

الله يجمع بينكم بخير ويرزكم الذريه الصالحه ان شاء الله

[القلعة]

الاخ الشريف العذبي الف مبروك ومن طول الغيبات جاب الغنائم
اسال الله لك الذريه الصالحه0 وتستاهل كل خير0
وفيت وكفيت يابوهاشم 0 ولي وقفه مع هذا البيت0
اقولها والقلـب متلـف صبابـه000على وليف في المحاني محله
ولكن اقول00000
اجل لاشك بيني و بينك تشابه000 راع الوفا ياصاحبي مانمله


وصح لسانك ولاعدمناك ولك تحيلتي

[الشريف العذبي]

[align=center]

الاخوة الكرام

الله يجزاكم خير على الدعاء الطيب

والله يرزق العزوبي الزوجة الصالحة اللي تعينه على دينه ودنياه

والمتزوج يبارك له في اللي عنده ويحفظها له


كل الاحترام

والسلام[/align]

[الشريف العذبي]

[align=center]

المشاركة الأصلية كتبت بواسطة القلعه

الاخ الشريف العذبي الف مبروك ومن طول الغيبات جاب الغنائم
اسال الله لك الذريه الصالحه0 وتستاهل كل خير0
وفيت وكفيت يابوهاشم 0 ولي وقفه مع هذا البيت0
اقولها والقلـب متلـف صبابـه000على وليف في المحاني محله
ولكن اقول00000
اجل لاشك بيني و بينك تشابه000 راع الوفا ياصاحبي مانمله


وصح لسانك ولاعدمناك ولك تحيلتي

الله يبارك فيك يابومحمد والله يجزاك

وصح لسانك

تقبل فائق الاحترام والتقدير

والسلام[/align]

[n_almowaileh]

جزاك الله خيرا على حسن مشا1عرك