انتاج زرعه ما دام انه على الذيبـي
يجيك نادر على الواقـع وفالصـورة
الصورة المرسلـة ياراعـي الطيبـي
صورة فحل سلسلة زرعان الاسطورة
افخر بزرعـات وارقـى فالمراقيبـي
نياق جـدك عليهـن معتلـي كـوره
زرعات يابو علي ساس الظواريبـي
النار فوق العلـم للنـاس مشهـورة
يحفـظ مواجيبهـن راع المواجيبـي
ولا كل واحـد عليهـن لاح باكـوره
اقرب مثل وانت بديـار الاصاحيبـي
لقيـت زرعـان بهـداده لعـب دوره
وارسلت لي صورته والظن ما يخيبي
ابغا آصفه وصف في بيتين محكـورة
به كبريا واضحه عينـه مشاهيبـي
شم المناخر لريح الغـرب وعطـوره
الراس والعنـق واكـواع المناكيبـي
صوب الفهد ودهن ما يلمسـن زوره
والورك والذيل وافحـاج العراقيبـي
على الاسد ردهن واخفاف منشـورة
والذيب يابو علي دونـه سباسيبـي
قطعتهن والخـوي ماعنـه مذخـوره
حملت للذيـب عريبـات المناسيبـي
زرعات ثنتيـن وسحيمـا بمقطـورة
وسلمتهن فـي يمينـي للمعازيبـي
وكلن يعبر عن اللي واجـه شعـوره
لقيت ياسر عميـره كانـه الشيبـي
في هجعة الناس جاني واثبت حضوره
يامصعب اشهد شهادة مابـه العيبـي
ماقصر بواجبي يـوم ابتـدا شـوره
سلمت انا نياقنـا حلـو التراحيبـي
واما الكلايف على ياسـر وميسـوره
ماخاب من في عميره له مقاضيبـي
لو راح تبقى ديار السبـع معمـوره
عسى عميره يجيـره عالـم الغيبـي
ياعل روحه مـن النيـران ماجـوره
الطيب يابوعلـي شـرق ومغاريبـي
والناس ماهي بفعل الطيب مجبـوره
واهديك الابيات من وزني وترتيبـي
يوم الشعر فاح لك يشمومن بخـوره
الشاعر / سلطان بن حمود بن مسيعيد العطوي
صح لسان الشاعر ابن مسيعيد. وتسلم ياراعي زرعه على النقل .وفى وجمل راعي الذيب .والله يأصلكم في زرعات ويبارك لابن مسيعيد في سحيم . وقصيدة رائعه من شاعر مشهور.